Vier tieners in hof oor ‘aaklige’ ontgroeningsdade

'n Skermskoot van die video wat by die Hoër Landbouskool in Jan Kempdorp in die Noord-Kaap gemaak is. Die slagoffer lê met sy maag op 'n bed terwyl ander skoolseuns toekyk.

‘n Skermskoot van die video wat by die Hoër Landbouskool in Jan Kempdorp in die Noord-Kaap gemaak is. Die slagoffer lê met sy maag op ‘n bed terwyl ander skoolseuns toekyk.

WAARSKUWING: Die inligting wat in hierdie berig vervat is, is grafies van aard en nie geskik vir kinders of sensitiewe lesers nie.

Vier leerlinge van die Hoër Landbouskool Noord-Kaap verskyn Vrydag in die Jan Kempdorp-landdroshof nadat hulle glo ʼn medeleerling by die skool se koshuis aangerand en seksueel mishandel het.

Maj. Dimakatso Mooi, provinsiale polisiewoordvoerder, het Vrydag aan Maroela Media gesê die seuns, tussen 14 en 19 jaar oud, staan tereg op aanklagte van verkragting en algemene aanranding weens ʼn vermeende ontgroeningsdaad wat Sondagaand om 21:30 by die skool se koshuis plaasgevind het.

Die slagoffer se ouers, wat anoniem wil bly om hul seun te beskerm, het aan die Diamond Fields Advertiser gesê die aanhitser in die saak het die aand al die graad 8’s buite die koshuis bymekaar geroep en aan hulle gesê hul gaan nie ontgroen word nie.

Die ouers beweer hul seun is uitgesonder en dat hy aangesê is om opstote te doen. Terwyl hy besig was is hy glo met ʼn pyp geslaan. Die seun het glo daarna na sy koshuiskamer gegaan.

“My seun was alleen in sy kamer toe die aanhitser en ander leerlinge met drie gordels die kamer binnegekom het,” het die ma aan die koerant gesê. “Hulle het my seun kaal uitgetrek en hom op sy bed laat lê. Hulle het sy hande en voete met die gordels vasgemaak en skeerroom en seep oor sy lyf gesmeer.”

Sy beweer daar is ʼn tandeborsel in haar seun se rektum opgedruk en dat hy vermoedelik ook met ʼn besemstok gesodomiseer is.

Die koerant is in besit van ʼn video van die voorval wat deur een van die omstanders gemaak is.

Die provinsie se departement van onderwys het die daad as ʼn “rassistiese voorval” bestempel. “Dit is met spyt en teleurstelling dat die departement verneem van die aaklige, onmenslike voorval by die skool,” het Sydney Stander, woordvoerder van departement, by navraag aan Maroela Media gesê. “Die groep het ʼn medeleerlinge aan onmenslike behandeling onderwerp. Hy is kaal uitgetrek, daar is ʼn wit middel op sy lyf gesmeer en die seuns het stokke in sy rektum opgedruk terwyl die omstanders gejuig en ʼn grap daarvan gemaak het.”

Volgens Stander ondersoek die departement die voorval en die departement ’n afvaardiging gestuur om die slagoffer, sy gesin, onderwysers en ander leerlinge by te staan. “Ons sal seker maak die skuldiges sal boet vir die beweerde dade. Dit is duidelik die verdagtes is anders grootgemaak en sukkel om met mense wat anders as hulle is, saam te leef,” het hy gesê.

Stander het gesê Griezelda Cjiekella-Lecholo, Noord-Kaapse LUR vir onderwys, was sprakeloos toe sy van die voorval verneem en het die slagoffer en sy gesin om verskoning gevra.

Die skool kon nie onmiddellik vir kommentaar bereik word nie.

Die DA gaan intussen vandag ʼn betoging buite die hof hou tydens die vier seuns se hofverskyning. “Daar is geen plek vir rassisme, kriminaliteit of mishandeling in ons skole nie,” het Phumzile van Damme, die DA se nasionale woordvoerder, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

57 Kommentare

jongste oudste gewildste
Malat

Dit is ‘n afgryslike daad. Mens kan net siek voel hieroor. Dit sal jammer wees as die ander leerlinge wat toeskouers was (en van hulle is swart), nie ook aangekla gaan word nie. Boelies moet uit skole geskors word. Ek wonder net wat gaan by sulke kinders se ouerhuise aan, dat hulle nie geleer word om respek vir ander mense te hê nie? Ons land gaan ten gronde, ons volk gaan ten gronde en dis so jammer.

Fanie

Ek lees ook vanoggend op Netwerk24 hierdie berig van die dopery by die landbouskool in Jan Kempdorp waartydens vier wit seuns ‘n swart seun wit geverf het en dies meer. Nou skree dit ten hemele. Ook sê die berig die swart seun is gemartel. En dan, “volgens die wit seuns was dit tydens doop.” So asof die verslaggewer insinueer dat dit dalk nie tydens doop kon gewees het nie. Ook as dit nou net wit kinders was wat betrokke was, was dit dan nou minder verkeerd ??? Ons koerant verslaggewers het siek in die kop geword en blaas hulle die… Lees meer »

Kosie

Sies!! Van jongs af al seksueel verstreur. Wonder waar en wie is die voorbeeld? Kry hulle ook voor stok.

christell nel

Aan my maak dit GEEN verskil watter kleur wie is nie. Dit bly ‘n walglike daad, en die kinders wat hieraan skuldig is, en hulle ouers behoort hulle te skaam. Miskien kort hier ook ‘n Jerigo !! Soos ek altyd se. klas en opvoeding kan nie gekoop word nie. Jy het dit of jy het dit glad nie!

Melt Olckers

As dit ‘n rassisme voorval is, moet alle aanvalle deur swartes op witmense gesien word as ‘n rassisme voorval.