Vier tronk toe oor hond se wrede dood

'n Skermskoot van die selfoonvideo wat aan die NDBV gestuur is.

‘n Skermskoot van die selfoonvideo wat aan die NDBV gestuur is.

Vier mans is Maandag tot tronkstraf gevonnis nadat hulle aan dieremishandeling skuldig bevind is.

Khutso Kopanye, Reginald Khoza, Neo Dichabe en Reabetswe Sikhala is tot tussen tien en 16 maande tronkstraf opgelê. Hul vonnisse is met die helfte opgeskort.

Die vier is in Februarie van dieremishandeling aangekla nadat ʼn selfoonvideo aan die lig gekom het van twee honde wat baklei. Een van die honde was vasgeketting met sy bek toegeplak met kleefband.

Nadia Hansa, woordvoerder vir die Nasionale Dierebeskermingsvereniging (NDBV), het gesê die voorval het in Desember 2013 plaasgevind. In die video kan gesien word hoe ʼn uitgeteerde, bebloede hond herhaaldelik deur ʼn ander hond aangeval word.

Volgens Hansa moes hulle uit die beeldmateriaal probeer vasstel waar die voorval plaasgevind het. Dit het toe geblyk dit was by ʼn huis in Atteridgeville, wes van Pretoria.

Die vier beskuldiges het die hond aan ʼn ketting vasgebind, haar mond styf toegeplek met kleefband en haar as lokaas gebruik om ander honde vir hondegevegte op te lei. Toe die hond so erg beseer is dat sy nie verder gebruik kon word vir die “opleiding” nie, het hulle ʼn ander hond haar laat doodbyt.

Volgens Hansa is die ander agt honde wat by die huis gevind is, verwyder en is in die sorg van die NBDV.

Wendy Willson, ʼn inspekteur by die NDBV, het gesê die hond is vir soveel as ses gevegte gebruik in ʼn tydperk van drie dae.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
apie

Skokkend! Diere het ook regte. Hierdie kaders moes tussen 10 en 16 jaar tronkstraf gekry het

Pieter Streicher

Dit is skokkend dat die strafe so lig is. Die 4 moes vir lewenslank tronk toe gaan. As hulle uit kom gaan hulle dit net weer doen. Dit is absolutely barbaric

diere liefhebber

Wens die oortreeders se straf was langer tronk straf !!!!! Daardie arme hulpelose hond kon haarself nie eers verdedig nie. Ek het nie tyd vir mense wat diere so behandel nie. ?

celeste

sit daai mens in kettings en plak hulle monde toe en gooi hulle vir die leeus. dis vieslik!!!!!!!

Wat-ek-lees

Té ligte vonnisse waarvan die helfte nog opgeskort ook is.
Maak ‘n voorbeeld van hulle deur . . . (gesensor).