Vier vas ná ‘rasaanval’ by KFC

‘n Skermskoot uit die video.

Vier mans is in hegtenis geneem in verband met ʼn beweerde rassistiese aanval by die deurrybaan van ʼn kitskosrestaurant in Montana, Pretoria.

Beeldmateriaal wat met ʼn selfoon van die voorval geneem is, is wyd op sosiale media versprei. Die beeldmateriaal toon hoe ʼn groep van ses mans na bewering vir Jacob Sono en sy vrou aanval nadat die egpaar die mans gevra het om vorentoe te beweeg in die deurrybaan by die KFC-restaurant. In die video kan gehoor word hoe ʼn vrou herhaaldelik skree terwyl kru taal deur die mans gebruik word.

Kapt. Kay Makhubela, woordvoerder van die polisie, het aan Maroela Media bevestig vier van die ses mans is in hegtenis geneem op aanklagte van aanranding en die rig van ʼn vuurwapen. Intussen het Fikile Mbalula, minister van polisie, op Twitter gesê die mans word verbind met ʼn aantal aanrandings in die gebied. “Hulle rand swart mense in die gebied aan. Ons het hulle in hegtenis geneem,” het hy getwiet.

Die DA het die SAPD geloof vir hul vinnige optrede om die vier mans in hegtenis te neem. “Die DA veroordeel ten sterkste die gewelddadige rasse-aanval deur vier wit mans op ʼn swart egpaar by die [restaurant],” het Adriana Randall, DA-MPL, gesê.

“In ʼn demokratiese en grondwetlike bestel is daar geen ruimte vir rassisme nie en geen mens moet in vrees lewe vir mishandeling weens die kleur van sy of haar vel nie,” het sy gesê. “Die DA sal die vordering van die saak monitor. Die gereg moet nou sy gang gaan sodat geregtigheid vir die Sono-gesin kan geskied.”

Intussen het die Ahmed Kathrada-stigting sy skok uitgespreek oor die video. “Die rasse-dinamika in die voorval is ooglopend. Dit is uiters kommerwekkend dat mense geen lesse geleer het uit die Spur-voorval nie,” het Neeshan Balton, direkteur van die stigting, gesê.

“Daar kan geen regverdiging vir hierdie walglike rassisme en aggressie wees nie. Wat verder kommerwekkend is, is dat hierdie groep geen probleem daarmee gehad het om ʼn vrou aan te rand nie – iets wat aanduidend is van die patriargale waardes wat steeds in ons samelewing verskans is.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

152 Kommentare

jongste oudste gewildste
Rina

Sal net graag wil weet net soos in die spur insident wat het aanleiding gegee tot die stap. Is hulle dalk getart of gedreig deur die ander partye of wat het gebeur. Sal graag wil weet

DOM MENSE....

….leer ook nie!
Dit was mos nie nodig nie!
Kry skaam

Skybird

Uiters teleerstellend, weet ons blankes dan nie ons mag nie ander rasse slegse of aanrand nie, hul kroonwild in die samelewing, en hul word wittes genoem in die berig, ander rasse se kleur word nie genoem, bewys van diskrimminasie, wittes word baie uitgelok en dan is daar altyd ń sel kamera gereed om opname te maak

Pik

En wat se die DA oor al die ander wit aanvalle niks niks niks waar was julle met die hele spur storie waar was julle met die plaas moorde waar was julle toe witmense se plekke afgebrand was ek praat nie die daad goed nie maar dink julle DA leiers moet al twee oe oopmaak

Gatvol

Alweer n hekse jag na ons mense………
Sal graag die waarheid wil hoor …..