Vier vas ná seun onthoof is

Argieffoto

ʼn Inwoner van Umlazi het Dinsdag ʼn gruvonds gemaak toe ʼn 15-jarige seun se kop naby ʼn KwaZulu-Natalse skool gevind is.

Kapt. Nqobile Gwala, provinsiale polisiewoordvoeder, het gesê die seun se kop is omstreeks 06:15 in Umlazi naby Embizeni High School gevind.

“Die polisie is ontbied waarna die seun se liggaam ook in die omgewing gevind is. ’n Voorlopige ondersoek dui daarop dat die seun net ná middernag deur onbekende mense by sy huis ontvoer is,” het Gwala gesê.

Volgens Gwala was daar ʼn koeëlwond aan die seun se liggaam.

Speurders van die Umlazi-polisie in samewerking met die Umlazi-misdaadintelligensie-eenheid, honde-eenheid en metropolisie het alle leidrade opgevolg. Dit het die span na ʼn huis in die omgewing gelei waar twee verdagtes in hegtenis geneem is.

Twee ongelisensieerde vuurwapens is in die verdagtes, onderskeidelik 18 en 19 jaar oud, se besit gevind. Hul inhegtenisneming het later die dag tot die inhegtenisneming van nóg twee verdagtes, ook onderskeidelik 18 en 19 jaar oud, gelei.

Die  vier moet binnekort in die Umlazi-landdroshof verskyn op aanklag van moord en die besit van ongelisensieerde vuurwapens.

Die motief vir die moord is nie bekend gemaak nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
m

Die barbaarsheid ken geen perke nie.

AL

Die moordenaars word ook al jonger. Uiterste siek, bose siele.

CHRISTA

Dit was vir eeue hulle modus operandi. In die verlede was dit nooit in die nuus nie, want daar was nie “nuus” gewees nie – nie eers koerante nie. Kinders leer by ouers en so word dade van geslag na geslag oorgedra!!! Waarom is mense nou geskok? Ons lees selfs waar pasgebore babas in puttoilette gegooi word!!!

Theresa B

Dis vreeslik. Regtig!! en hulle is so jonk. Wat gaan aan….???

piper

dwelmmiddels het n groot invloed. dwelmhandelaars moet baie baie harder gestraf word.