Argieffoto
Die polisie het Dinsdag bevestig vier verdagtes is in hegtenis geneem nadat 14 liggame verlede week in ‘n veld in Benoni, Gauteng, gevind is.
Lt.kol. Khomotso Phahlane, nasionale polisiekommissaris, het Dinsdagaand, tydens ʼn mediakonferensie, gesê al vier verdagtes is burgers van Lesotho. “Een is in Suid-Afrika in hegtenis geneem en die ander drie in Lesotho,” het hy gesê. Hy het gesê die SAPD is tans in gesprek met Interpol om die drie verdagtes aan SA uit te lewer.
Ongelisensieerde vuurwapens, wat in die verdagtes se besit gevind is, is vir forensiese analise gestuur.
Maroela Media het vroeër berig ses liggame is Sondag in Benoni gevind en Maandag nog agt liggame in dieselfde gebied. Die liggame is naby Unitystraat en die Modder-pad gevind. Al die slagoffers is met ʼn skerp voorwerp doodgesteek of doodgeskiet. Phahlane het Dinsdag bevestig al die slagoffers was ook burgers van Lesotho.
Die polisie het vroeër gesê die moorde het vermoedelik te doen met bendes wat by onwettige mynbedrywighede betrokke is.
Die polisie ondersoek 14 sake van moord.
Mooi SAPD julle is skerp.