Vier vas oor stropery in wildtuin

Foto: Verskaf

Vier vermeende stropers, insluitend ʼn SANParke-werknemer, is Vrydag in die Krugerwildtuin in hegtenis geneem.

Die inhegtenisneming was die gevolg van ʼn intelligensie-operasie tussen SANParke, veldwagters en die polisie, het kol. Mtsholi Bhembe, woordvoerder van die polisie, gesê.

Die vier verdagtes is tussen 23 en 47 jaar oud. Volgens Bhembe het veldwagters inligting ontvang dat vier verdagte mans in twee voertuie op pad was om die wildtuin te verlaat. ʼn SANParke-helikopter het in die pad geland om die verdagtes se pad te versper.

Die verdagtes en die motors is deursoek en daar is op twee renosterhorings, ʼn jaggeweer en ammunisie beslag gelê. Die verdagtes sal Maandag in die hof verskyn op aanklag van onwettige jag, die onwettige besit van ʼn vuurwapen en ammunisie en betreding.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Afrikaner ·

Ek laat my nie vertel intelligensie het nie idee wat aangaan nie, hulle kon in jare geen patrone waarneem nie, het nie ‘n idee wat op die grond aangaan nie, nee, waar daar te skep is moet daar geskep word.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.