Vierjarige dood, baba beseer in Kaapstad-botsing

ʼn Vierjarige kind is dood en ʼn drie maande oue baba is beseer in ʼn trompop botsing in Kaapstad.

Konst. Noloyiso Rwexana, woordvoerder van die polisie, het gesê ʼn BMW en ʼn VW Polo het Saterdag in Valhallaweg in Kalksteenfontein gebots.

“Die kind is noodlottig beseer, terwyl die baba ernstige kopbeserings opgedoen het.”

Paramedici het die beseerde kind op die toneel behandel. “’n Saak van strafbare manslag word ondersoek. Niemand is al in die stadium in hegtenis geneem nie,” het Rwexana gesê.

News24