ʼn 36-jarige verdagte is in hegtenis geneem in verband met die moord op ʼn vierjarige seuntjie in Warrenton in die Noord-Kaap.
Die seuntjie het glo Vrydag omstreeks 11:00 na ʼn winkel geloop en is nie weer gesien nie. Volgens brig. Mohale Ramatseba, polisiewoordvoerder, is die seuntjie later as vermis aangemeld waarna ʼn soektog onmiddellik van stapel gestuur is.
Die polisie het inligting opgevolg en die seuntjie se liggaam is in ʼn huis in Ikhutseng gevind. Die seuntjie se liggaam was in ʼn boks wat met ʼn kombers toegemaak is.
Die eienaar van die huis is in hegtenis geneem. Volgens Ramatseba is die verdagte nie familie van die seuntjie nie en word die motief vir die moord ondersoek.
Die verdagte sal na verwagting Maandag in die Warrenton-landdroshof verskyn.
Hulle kan ook net kinders en oumense vermoor
Dit raak nou alledaags dat jy net kan doodmaak, onskuldige kind, dit is absoluut hartverskeurend om die reality te aanskou in ons land.
Waar is die mense wat so lawaai kan maak. Ek hoor niks
Hoe SIEK is hierdie land nie!!! My innige simpatie aan die ouers van hierdie arme kindjie. Mag reg en geregtigheid geskied.
Al ooit gehoor hoe dit in Zim gaan deesdae? Dit is ons voorland …. binnekort.
Nee nee nogmaals nee vir die verskriklike boosheid
Waar is die knie buigers nou? My hart is seer oor hierdie kleintjie. Hoe weet ons watter vrees het hy nie in die laaste oomblikke van sy lewetjie gehad nie.
Hy is siek sommer net doodmaak en in boks sit