Viljoenskroon-moord: Bloed teen mure voorspel onheil

Dave Wessels.

“Ons het vanoggend in ongeloof wakker geword. Ons woon al 15 jaar lank hier en daar het nog nooit iets gebeur nie. Jy verwag dalk dat ʼn skaap of ʼn fiets gesteel sal word, maar jy verwag nie ʼn moord nie – en veral nie so ʼn wrede moord nie.”

Só het ʼn verslae Ignaz Streicher Maandag gesê ná die moord op Dave Wessels (66) die afgelope naweek.

Wessels het ʼn gedeelte van Streicher se kleinhoewe net buite Viljoenskroon in die Vrystaat gehuur. Hy het van daar af vee verkoop en alleen gewoon.

Streicher sê hy is Sondag omstreeks 08:30 na Wessels se huis nadat ʼn werker vir ʼn spaarsleutel na ʼn stoor by Wessels se huis kom vra het. Die huise is sowat 50 m van mekaar. Streicher is self na die huis en het aanvanklik gedink Wessels het moontlik gou gery toe hy sien Wessels se bakkie staan nie op die werf nie. Hy het hom probeer bel, maar sy selfoon was afgeskakel.

By een van die spaarkamers, waar die diefwering afgebreek is, het Streicher egter werklik besef alles is nie pluis nie.

“Ek het die gordyne weggetrek en toe sien ek wat ek sien … Hy was nog toegegooi [met beddegoed]. Dit was vir my die ergste, dat hy so netjies toegemaak is. Ek het bloedspatsels teen die mure bo die bed gesien en geweet daar is groot fout,” het Streicher gesê.

Talle polisievoertuie staan by die huis waar Wessels vermoor is. (Foto: Ignnaz Streicher)

Die huis se deure was egter gesluit en nadat hy die talle bloedvlekke gesien het, het Streicher die polisie ontbied. Volgens hom het die polisie aanvanklik gesê daar is net een voertuig beskikbaar, dat hulle verskeie klagtes het om op te volg en dat hulle so gou moontlik by die toneel sal uitkom. Hy het ook die plaaslike buurtwag ontbied, wat blitsig op die toneel was en aan die polisie bevestig het dat ʼn tragedie hom waarskynlik in die huis afgespeel het. Die polisie is daarna ook na die toneel.

Hulle het Wessels se liggaam in die spaarkamer, netjies toegemaak onder die beddegoed, ontdek.

In die res van die huis was dit ook ʼn warboel. Streicher sê dit lyk of die aanvaller of aanvallers hul tyd geneem het om deur die huis na waardevolle items te soek. “Hulle het nie laat spaander nie, daar moes baie tyd gewees het. Hulle is deur elke kassie, elke laai, elke hangkas. Hulle is deur elke ding en moes ure in daai huis gewees het,” het hy gesê.

Wessels se bankkaarte is in ʼn gang gevind, maar van sy selfone en beursie was daar geen teken nie.

Wessels se liggaam word weggeneem. (Foto: Ignaz Streicher)

Wessels, ʼn voormalige weermagkolonel wat ʼn kunsbeen gehad het, se kluis het ook oopgestaan. Hy het die vorige dag vee verkoop en die vermoede bestaan dat hy kontant by hom gehad het. Hy is gewurg en met ʼn voorwerp aangerand en die wonde aan sy arms lyk of hy hom teen ʼn aanvaller probeer verweer het.

“Dave was nie die soort mens wat net sou oorgee nie. Ek kan my dit bloot nie indink nie. Hy moes ʼn groot fight opgesit het.”

Streicher sê nadat daar aanvanklik vermoed is dat die aanvallers die kluis uitgesleep het, is daar later besef dit was ʼn vrieskas. Dit blyk dat die rowers die vrieskas tot buite gesleep, die inhoud daarvan in Wessels se bakkie gelaai en die vrieskas toe weer terug in die huis geneem het.

ʼn Loper is in een van die deure, wat toegesluit was, gedruk. Die televisie het oënskynlik onaangeraak in die huis agtergebly. Streicher sê waar ʼn mens ooglopend van buite tot in die huis kon sien, het alles in orde gelyk. Dit was eers by nadere ondersoek dat die volle omvang van die plundertog in die huis sigbaar was.

Streicher sê op kringtelevisiemateriaal kan gesien word hoe iemand omstreeks 06:20 met die bakkie by die perseel uitry. Berigte dat die bakkie intussen gevind is, kon nog nie bevestig word nie en niemand is nog in verband met die moord aangekeer nie.

ʼn Vriend van Wessels versorg in hierdie stadium sy diere en sommige van sy werkers het by Streicher se huis saamgedrom, onseker oor wat nou vir hulle voorlê.

“Ek moet hulle huis toe stuur. Wat sê ek vir hulle? Jy kan niks sê nie.”

Volgens berigte het Wessels ʼn Honoris Crux-medalje vir dapperheid tydens die Bosoorlog gehad.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

20 Kommentare

Kokerboom ·

Die tragiese deel is dat hy sy deel gedoen het vir die eertydse SA en nou juis aan die hand van diegene wat hy bestry het moes sterf en die weermag van toe bestaan nie eers meer!!

Hercules ·

jip, so sit honderde van ons veterane met letsels in gees, siel en liggaam (ptsd) en nou wil jong kaart mannetjies soos Mal-Emmer sy lyf rondgooi :-(

Trotse Boervrou ·

My innige simpatie aan Dave se familie.

God, sal U asb intree. Ons sal aanhou bid, vertrou en glo dat U ons uitkoms is.

Kan almal ASSEBLIEF elke dag tussen 13:00 en 14:00 bid. Dit maak nie saak waar jy is nie. Net 5 minute van jou tyd. Of jy eet, bestuur, koffie drink, dit maak nie saak nie. Dit is nie te veel gevra nie. Julle ken almal die krag van gebed. God wag, asb mense. Dit is ons enigste hulp.

Dries ·

As jou baas vermoor word, is jy jou werk en inkomste kwyt. Dit is die realiteit.

gpsa ·

Van die talle voertuie sien ek net 2 polisie voertuie wat seker ure later daar aangekom het, res is waarskynlik buurtwag voertuie.

Kry die onwettige buitelanders uit en baie van die sal ophou.
Ek sal ook nie werk gee aan ‘n onwettige uitlander nie, hulle word hierheen gelok deur mense wie dit doen en nie almal kry werk nie.

Werner ·

Die meerderheid moorde word nie deur buitelanders gepleeg nie

gpsa ·

Nie geweet daar is statistieke beskikbaar nie, laat weet asb waar dit beskikbaar is. Die wie wel deur uitlanders aangeval en vermoor word, waarvan ons al heelwat gesien het, se lewens tel nie minder nie.

Werner ·

Gaan lees die artikel oor plaasaanvalle wat deur Cromhout wat n studie daarvan gemaak het en wel deur MM geplaas was dan sal jy sien.Dat daar wel statestieke gehou word

Hercules ·

ek plaas die bloed van al die moorde vierkantig in die terroriste ANC se hande – hulle sal vir elke druppel rekenskap gee!!

Persheks Adri ·

Sinneloos al hierdie moorde en Cyril en Cele bly steeds stil! Weereens ‘n boodskap vir ons op die wyse waarop die oom vermoor is. Geen mens verdien dit nie!

Magda ·

Daai mense wat nou sonder werk is, BETOOG VOOR ANC / EFF SE HUISE EN KANTORE – Hulle SKULD DAT JULLE NOU WERKLOOS IS.

JohanR ·

ANC supplies the funds, EFF carries out the instructions, taxis transport the attackers to and away from the scene, and Bheki Cele mutters a few words from under his hat. Ons weet al hoe dit werk!

Adam Adriaan ·

Jammerom te hoor van jou wreede heengaan Dave. Die goeie dae van saam werk in die eenheid sal ek nog lank onthou. My meegevoel met die familie.

Adam Adriaan ·

Bevestig hy het ‘n Honoris Crux medalje gehad. Het sy been verloor in ‘n landmyn insident in Angola.

Annette ·

Wanneer gaan hierdie sinnelose moorde, geweld en misdaad end kry? Dit word net by die dag erger. Suid-Afrika, keer terug na God.

Frans ·

Die tragiese is dat ons ‘n herhaling sien van wat oral in Afrika gebeur het.Al die koloniale magte het pad gegee.Dit is net aan die suidpunt van Afrika waar ‘n handjie vol,gemeet teen die res van blanke bevolkings staande gebly het en hulself permanent gevestig het en nou die prys betaal vir ‘n klakkelose
onderhandeling met mense wat van die begin af nie goedgesind was nie.
As ‘n Christen kan ek bid tot ek blou word in my gesig,God gaan nie sy engele stuur om ons te red nie, want Christus se verlossingsdaad het nie gegaan om die redding van my sterflike liggaam nie maar wel om my onsterflike siel.
God het nie sy uitverkore volk gered uit die hand van hul veroweraars nie.Daarom is die les uit die Bybel-organiseer ,soos in die tyd van die terugkerende bannelinge wat die mure van Jerusalem herbou het,met troffel in die een hand en swaard in die ander.Raak betrokke -stig buurtwagte-organiseer-beskerm mekaar-die regering gaan dit nie doen nie.Word wakker- skrif is aan die muur.

Amina ·

Alle simpatie vir die oorlede se familie en vriende my hart gaan uit , elke dag moet n lewe so tragies gevat word. Hoekom word niks daarvan nie ?!!! Mense ek se julle vandag daar is n groot kop agter hierdie tragiese plaas moorde . Waar is mens se regter in hierdie scenario ? Waar is geregtiheid? hoe slaap n mens ontwettend wie is volgende. Asb. Moet nie wag tot dit met jo familie gebeur ni staan saam en baklei vir wat geregtig is #farmlivesmatters!!!

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.