Visserman se liggaam spoel uit; vriend steeds vermis

NSRI-spirit-of-st-francis

Argieffoto: NSRI

ʼn Visserman van Houtbaai in die Wes-Kaap word steeds vermis nadat sy vriend se liggaam Vrydag op die strand uitgespoel het.

Lyall Pringle, bevelvoerder van die Nasionale Seereddingsinstituut (NSRI), het gesê die twee vissermanne het Donderdagaand op die see uitgevaar, maar teen Vrydagoggend nog nie teruggekeer nie. “Hulle families het die polisie genader en alarm is gemaak om na hulle te soek,” het sy gesê.

“Die twee plaaslike vissermanne, onderskeidelik 27 en 39 jaar oud, het omstreeks 18:00 vanaf Houtbaai vertrek om vis te vang van hul boot af, maar nie vanoggend [Vrydagoggend] teruggekeer soos beplan nie.”

Twee NSRI-reddingsbote is gestuur om na die vissermanne te soek en die Wes-Kaapse nooddienste se helikopter het ook aan die soektog deelgeneem. Intussen het vriende en familie van die vissermanne op die kuslyn gesoek in gebiede waar die twee vriende gereeld saam vis gevang het.

Die polisie se duikeenheid en NSRI-reddingswemmers het een van die vermiste mans se liggaam gevind nadat dit uitgespoel het. “Die liggaam is onder Karbonkelberg oorkant Duiker-eiland gevind,” het Pringle gesê.

Die boot is kort daarna ook gevind waar dit ook uitgespoel het. Pringle het gesê die soektog na die tweede visserman duur voort.

Die mans se name is nie in hierdie stadium bekend nie.

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.