Visserman trek lyk uit

Foto: Chops Craig/NSRI

Foto: Chops Craig/NSRI

ʼn Visserman het Sondag ʼn man se lyk uit die see aan die Valsbaaise kus naby Mnandi-strand getrek.

Mario Fredericks, stasiebevelvoerder van die Nasionale Seereddingsinstituut (NSRI) in Strandfontein, het gesê met hul aankoms is die man se lyk op die strand gevind.

“Die visserman het blykbaar gedink sy lyne is in seewier verstrengel. Terwyl hy die lyne ingetrek het, het hy gesien ʼn lyk het daarin verstrengel geraak,” het Fredericks gesê.

Die oorledene was vermoedelik in sy 20’s. Sy lyk is deur die forensiese patologiese dienste van die strand verwyder. Die polisie het ’n geregtelike doodsondersoek begin.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Peet Schabort ·

In die onlangse verlede was daar ook ‘n berig op Maroela van ‘n man se verdwyning. Ek hoop egter ek is verkeerd want ek is nie vertroud met die ligging van die twee plekke ter sprake.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.