Vier mense is dood in ʼn botsing aan KwaZulu-Natal se Suidkus toe ʼn motor aan die brand geslaan het.
Shawn Herbst, Netcare 911-woordvoerder, sê paramedici is Saterdag omstreeks 21:30 ontbied na die toneel van ʼn ernstige ongeluk op die R61 in Leisure Bay, Port Edward.
Blykbaar was ʼn motor en ʼn ligteafleweringsvoertuig in ʼn trompop botsing betrokke, waarna die motor aan die brand geslaan het.
“Vier mense is op die toneel dood verklaar,” sê Herbst, “terwyl nog ʼn pasiënt in ʼn kritieke toestand was en gevorderde lewensondersteuning geverg het.”
Nadat die toestand van dié pasiënt bestendig is, is hulle per ambulans na ʼn nabygeleë hospitaal vir verdere behandeling gebring.
Die owerheid ondersoek nog die oorsaak van die ongeluk, sê Herbst.
Een is nie hulle nie,word daar nie geproeflees nie.
Skerp Pieter, ek het ook geglip.
Hulle sluit dalk mediese personeel in