ʼn Vlieënier in sy 30’s is ongedeerd nadat hy Saterdag ʼn noodlanding in ʼn veld naby Witbank in Mpumalanga gedoen het.
Volgens Russel Meiring, woordvoerder van ER24, is paramedici na die toneel ontbied nadat die man in ʼn ligte vliegtuig ʼn noodlanding in die veld langs die R554 uitgevoer het.
“Die vlieënier is op die toneel ondersoek en het gelukkig geen beserings opgedoen nie,” het Meiring gesê.
Die oorsaak vir die noodlanding is nie bekend nie en word deur plaaslike owerhede ondersoek.
Dit was die tweede voorval oor die naweek waartydens paramedici reageer het op ʼn toneel waar ʼn ligte vliegtuig by betrokke was.
ʼn Direkteur van die Irene-melkplaas in Centurion is glo Vrydagaand ernstig beseer nadat ʼn mikrovliegtuig naby Nellmapiusweg neergestort het.
Santi Steinmann, woordvoerder van Netcare 911, het gesê een persoon, glo die vlieënier, is ernstig beseer en is onmiddellik na ʼn nabygeleë hospitaal gehaas vir behandeling. Die passasier is nie beseer nie en is op die toneel ondersoek.
Anthony McKay, hoofbestuurder van die Irene-melkplaas, wou nie kommentaar lewer nie.
Deel iemand hierdie vliegtuigies iewers vernuut uit….of kry jy een as jy n Fortuner koop.
Die goed kan lykmy net nie in die lug bly nie…of is dit soos die quadbike hype…almal het een maar wil oormore n fancier een he…mark is oorvol van die 2de handse vliegtuigies.