Die Suid-Afrikaanse Lugdiens (SAL) het Maandag vlugte na en van New York in Amerika gekanselleer weens slegte weerstoestande.
“As gevolg van ongunstige weerstoestande weens ʼn sneeustorm in New York, is vlugte na en van John F Kennedy Internasionale Lughawe in New York gekanselleer,” het Tlali Tlali, SAL se woordvoerder, in ʼn verklaring gesê.
“Ons sal voortgaan om die toestande te monitor en sal terugvoer gee as daar veranderinge in die huidige weerstoestande is.”
Hy het gesê passasiers wat hierdeur geraak word, sal deur die lugredery se inbelsentrum bygestaan word.