Vlugte na Skukuza-lughawe opgeskort

SA Airlink. Foto: Facebook

Die private streekslugdiens Airlink het Donderdag aangekondig dat hy sy vlugte van en na die Skukuza-lughawe in die Krugerwildtuin gaan opskort.

Dit volg na ’n plaaslike uitbreking van Covid-19-infeksies in die Skukuza-omgewing en by ander nabygeleë kampe.

“Ten einde ons kliënte en personeel te beskerm, het ons besluit om alle bedrywighede by die Skukuza-lughawe tot 28 Januarie op te skort. Ons vra om verskoning vir die ongerief wat dit kan veroorsaak,” het Rodger Foster, uitvoerende hoof en besturende direkteur van Airlink, gesê.

Vlug 4Z 865 van Johannesburg na Skukuza asook vlug 4Z 866 van Skukuza na Johannesburg is opgeskort.

Vlugte na die Hoedspruit- en Nelspruit KMI-lughawe gaan steeds voort. Dit is die twee naaste lughawens vir reisigers wat beplan om die Krugerwildtuin of ander oorde en kampe in die omgewing te besoek.

Airlink se vlugskedule is beskikbaar by: www.flyairlink.com/flightschedule

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
Harry

MM daar was slegs Covid gevalle by 1 kamp nl Laer Sabie en die is gesluit, dus nie kampe soos julle berig nie

Samuel

Wyse besluit van die lugredery! Julle is tops.