Vlugtelinge: Polisie moet hulself beteuel, sê Amnestie Internasionaal

Geweld het Woensdag in Kaapstad uitgebreek. (Foto: Phando/Jikelo, ANA)

Die Menseregtegroep Amnestie Internasionaal Suid-Afrika doen ʼn beroep op die Suid-Afrikaanse Polisiediens (SAPD) om selfbeheersing uit te oefen wanneer hulle met betogers omgaan.

Dit volg nadat geweld Woensdag in Kaapstad uitgebreek het toe polisie vlugtelinge voor die Verenigde Nasies se Hoëkommissariaat vir Vlugtelinge (VNHKV) in die Kaapse middestad verjaag het. Minstens 100 mense is in hegtenis geneem en intussen op waarskuwing vrygelaat.

“Die gebruik van rubberkoeëls en skokgranate was onnodig en het die situasie duidelik vererger. Daarbenewens is ons bekommerd dat hierdie metodes gebruik is terwyl daar kinders teenwoordig was en dat dit moontlik trauma en beserings onder hulle kon veroorsaak het.

“Die owerhede is die pligdraers en moet dringend alternatiewe en veiliger maniere vind om mense te hanteer,” het Shenilla Mohamed, uitvoerende direkteur van Amnestie Internasionaal Suid-Afrika, gesê.

Geweld het Woensdag in Kaapstad uitgebreek. (Foto: Phando/Jikelo, ANA)

Maroela Media het vroeër berig honderde buitelandse burgers kamp al byna drie weke lank buite die kantore van die VNHKV in Brooklyn in die ooste van Pretoria en die Waldorf-arkade in die middestad van Kaapstad.

Dié mense wil hê die VN moet hulle hervestig omdat hulle onveilig voel in Suid-Afrika weens toenemende xenofobiese aanvalle teen hulle en ook ontevrede is oor onlangse xenofobiese aanvalle. Die meeste van dié groep buitelandse burgers is asielsoekers wat nie daarin kon slaag om vlugtelingstatus te verkry nie.

Volgens Mienke-Mari Steytler, mediabeampte van Amnestie Internasionaal Suid-Afrika, het die Kaapstadse metropolisie Woensdagmiddag vlugtelinge begin verjaag en in hegtenis geneem, nadat die vlugtelinge na bewering oproerig geraak het. Die polisie in die Wes-Kaap het gesê hulle het Woensdag 100 mense in hegtenis geneem omdat hulle geweier het om die kantore te verlaat. ʼn Hofbevel is reeds op 18 Oktober verkry om die 300 vlugtelinge uit die kantore te verwyder.

Geweld het Woensdag in Kaapstad uitgebreek. (Foto: Phando/Jikelo, ANA)

Mohamed het gesê dit is baie belangrik dat die Suid-Afrikaanse owerhede en die VNHKV dringend werk maak van die situasie in Kaapstad én Pretoria om mense veilig te hou en hul menseregte te beskerm.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

66 Kommentare

jongste oudste gewildste
Heksie

vlugtelinge? hulle is onwettig in my land, ek’t nie simpatie met hulle nie, want daar geld reels en regulasies vir ons in ander lande maar hier kom en gaan almal soos hul wil en maak wat hul wil, meeste kom buitendien hier aan om onwettige bedrywighede te bevorder!

Beatrix

Ek verstaan die Polisie moet hul werk doen,maar ek was erg onsteld om te sien hoe hul aan n Ma ruk en haar kind pluk of sy n stuk lap is?? daai kind het so gehuil””dit lyk soos mishandeling…. ek is seker hul kan dit op n beter manier hanteer?? waar kinders teenwoordig is.

Hannah

In ons land wat alreeds gebukkend gaan met oorbevolking het feitlik almal op die foto ,n baba op die rug. Hoe het hierdie mense in die “lLand van melk en heuning” hier gekom? Hulle moet op dieselfde manier terukeer na hulle oorspronklike lande toe. Ek is seker hulle het nie so voor enige geboue in hulle herkoms lande “gekamp” nie. S.A. kan nie al hierdie onnodige kostes ook nog dra nie.

Martin

Beatrix, gaan wys hulle hoe om dit te doen.

Stormrider

Dit kos ‘n klomp geld en baie verduidelikings as ek as toeris ‘ n visa van korte duur vir oorsese bestemmings probeer bekom. Hierdie mense loop doodeenvoudig oor ons landsgrense in. Die regering is die oorsaak van die probleem in die eerste plek! Hulle word miskien nou gedeporteer, maar die oomblik wat toestande verbeter kom hulle weer terug, want hulle eie lande is in ‘n gemors.