VN hoor ‘met aandag’ voorleggings oor plaasmoorde

verenigde-nasiesDrie organisasies het dié week voorstelle oor plaasmoorde by die Verenigde Nasies (VN) se Forum vir Minderheidsaangeleenthede in Genève, Switzerland, voorgelê.

Henk van de Graaf, assistenthoofbestuurder van TLU SA, het in sy voorlegging gesê om ʼn boer in Suid-Afrika te wees, is moontlik die gevaarlikste beroep ter wêreld met 133 boere per 100 000 wat vermoor word. “Ons beskou dit as ʼn vorm van terrorisme soos wat in Frankryk en ander dele van die wêreld ervaar word.”

Van de Graaf het ook na grondhervorming verwys en gesê regeringsbeamptes en lede van die meerderheid in Suid-Afrika maak gereeld “histories ongegronde beskuldigings” teen Afrikaner-boere dat laasgenoemde hul grond gesteel het. Volgens Van de Graaf word misdade, veral plaasmoorde, nie behoorlik deur die polisie ondersoek nie en word verdagtes wat vasgetrek word dikwels deur die howe vrygelaat weens swak ondersoeke.

Die Vryheidsfront Plus het ook Dinsdag voorstelle voorgelê en volgens die party het die Suid-Afrikaanse missie by die VN hulle probeer keer, maar ʼn bloutjie geloop toe die VSA ingegryp en aanbeveel het dat die voorlegging gelewer moet word.

Volgens André Fourie, voorsiter van die VF Plus se komitee oor internasionale verhoudinge en raadslid vir die Stad Kaapstad wat die voorlegging gedoen het, het dié poging van die missie net die teenoorgestelde uitwerking gehad.

“Amerika het tewens aanbeveel dat die voorlegging ‘onmiddellik’ gelewer word en lidlande het daarna met groter aandag geluister na die VF Plus se voorlegging. Die gebeure maak dit duidelik dat die wêreld nou lank genoeg na die verskonings van apartheid en rassisme geluister het wat die ANC aanbied om hul mislukkings mee te verdedig.”

AfriForum se adjunk- uitvoerende hoof, Ernst Roets, het Woensdag tydens dié organisasie se voorlegging ʼn striemende aanval op die Suid-Afrikaanse regering se inset tydens die konferensie geloods. “Die Suid-Afrikaanse regering het verklaar dat dié mense wat vra dat plaasmoorde geprioritiseer moet word, dit doen omdat hulle ’n rassistiese agenda het en omdat hulle apartheid-simpatiseerders is.”

Roets het tydens die konferensie gesê dat die Suid-Afrikaanse regering se opmerking uiters beledigend teenoor minderheidsgemeenskappe is en ’n aanval is op die menswaardigheid van plaasmoordslagoffers. Hy het ook die inkonsekwente optrede van die Suid-Afrikaanse regering uitgewys. “Die regering is vinnig om aan te voer dat dit nie sin maak om plaasmoorde te prioritiseer nie, aangesien dit deel van ’n breër kategorie van misdaad is. In Suid-Afrika is dit dubbel so gevaarlik om ’n boer eerder as ’n polisieman te wees. Wanneer daar egter oor plaasmoorde gepraat word, is die reaksie skielik dat dit nie sin maak om dit te prioritiseer nie,” het Roets gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Tdw

Julle maak ons trots! Julle gee ons weer hoop! DANKIE!

TM

Ek hoop van harte hierdie werp vrugte af. Dit is hoog tyd dat die wêreld begin kennis neem van wat aangaan.

Piet Pompies

Dit is ‘n mylpaal as die saak by die VN aangehoor is, RSA is lid daarvan. As die regering nie nou iets drasties omtrent die plaasmoorde doen, kan die minister van wet en orde in sy eie hoedanigheid vervolg word al vir die periode wat hy aan die stuur was. So die manne wat nou soustrein ry kan op sy oudag in die tronk gaan sit vir gruwel dade van die verlede.

Hennie

Fantasties! Julle het julle puik van jul taak gekwyt! Hopelik kan die wereld nou deeglik deur die cANCer sien!

Loeis

Uitstekende werk aan TLU SA, VF+ en Afriforum. Julle maak ‘n verskil meer as enigiemand anders!