Voertuie aan die brand gesteek in PE

Foto: African News Agency.

Ontstoke betogers het ‘n bakkie aan die brand gesteek terwyl hulle ook bande gebrand en voertuie met klippe bestook het in Addoweg in Port Elizabeth.

Kapt. Andre Beetge, woordvoerder van die polisie, het gesê daar was Dinsdag ook protesaksie op die N2 waartydens twee busse, ʼn ambulans en ʼn vragmotor beskadig is.

Volgens Beetge is een bus heeltemal uitgebrand. Die protesaksie het aanvanklik in Kamvelihle begin en toe oorgespoel na Wells Estate, waar uitsettingsbevele vroeër die dag beteken is.

Lede van die polisie se openbare orde-eenheid was teenwoordig by verskeie punte waar die protesaksies plaasgevind het.

Volgens Beetge is daar onder meer oor dienslewering betoog. Die polisie ondersoek sake van openbare geweld en kwaadwillige saakbeskadiging.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
tamboti

Liewe NSA en burgers, hou op brand en betoog en breek en klipgooi en verkwalik en verwyt, die toekoms sal nie vir ons / julle op ‘n silwer skinkbord bedien word nie, daar is ‘n nuwe (oeroud) wet in plek: “eat or be eaten!”
Die “verkose” regering vreet hulself blikvet en julle wil onder mekaar ywer?

Ellen

Verduidelik asb vir my hoe verander die feit dat jy mense se motors uitbrand die feit dat daar ‘n uitsettingsbevel teen julle beteken was? Die mense wie se motors uitgebrand is, het hulle enige skuld daaraan gehad? En al sou hulle, hulle het hulle REGTE uitgeoefen. EK kan nie glo dat ons land in anargie verval het nie. Hierdie brandstigters kom selde iets oor. Veral as hulle in ‘n groep is word hulle nooit gevang of aangekla nie .. so hulle kom weg daarmee, volgende keer doen hulle dit weer. Hulle word dit toegelaat want hulle is ‘angry’.

Jaco

Watter soort mens steek net voertuie aan die brand en plunder? In my lewe het ek nog nooit die begeerte gehad om voertuie en bande te brand en klippe te gooi nie!!

Magda

So moeg vir alles – VERNIETIG ALLES WAT DUIDELIK IS JULLE NIKS GEWOOND NIE – AS DAAR NIKS MEER OOR IS NIE – WONDER WAT GAAN JULLE DAN BRAND???????????

Andile

Kyk n bietejie rugby of krieket, dit sal dinge beter maak. In ag genome die prys wat vir die voorreg betaal is moet dit tog help.