Twee voetgangers is dood toe ʼn voertuig hulle omstreeks 06:00 Woensdagoggend in Johannesburg raakgery het.
Volgens Santi Steinmann, ʼn woordvoerder van Netcare 911, het die ongeluk in Louis Bothaweg in Houghton Estate plaasgevind. “Dit is nog nie duidelik wat die ongeluk veroorsaak het nie. Die polisie is op die toneel om die voorval te ondersoek,” het Steinmann gesê.
Die twee voetgangers, albei mans, was reeds dood toe paramedici by die toneel opgedaag het.