Argieffoto Foto: Netcare911
ʼn Man in sy 30’s is dood nadat ʼn motor op ʼn nat pad in Hatfield, Pretoria gerol, en hom langs die pad getref het.
Volgens Chris Botha, ʼn woordvoerder van Netcare 911, het die motor in Duxburyweg gery toe dit omgeslaan, verskeie kere gerol, en die voetganger getref het.
“Die man was reeds dood toe paramedici by die toneel opgedaag het,” het Botha gesê. “Die bestuurder van die motor het ernstige beserings opgedoen. Hy is op die toneel gestabiliseer en na ʼn nabygeleë hospitaal geneem vir verdere behandeling.”
Die polisie ondersoek die ongeluk.
Tragies, verkeerde tyd op verkeerde plek, fratsongelukke gebeur