Volkswagen herroep duisende nuwe Polo’s

Die nuwe Volkswagen Polo Comfortline (Foto: Volkswagen)

Die motorvervaardiger Volkswagen het Dinsdag bevestig dat hy duisende van sy nuwe Polo’s gaan herroep weens ʼn moontlike veiligheidskwessie met betrekking tot die sitplekgordel op die agtersitplek van die motor.

Matt Gennrich, Volkswagen se kommunikasiehoof, het dié nuus aan Maroela Media bevestig.

Gennrich sê dié internasionale herroeping sluit 8 000 voertuie in wat by die Uitenhage-fabriek in die Oos-Kaap vervaardig is.

Volgens hom het die vervaardiger bewus geword daarvan dat die sitplekgordel van die middelste agtersitplek moontlik ten tyde van ʼn botsing of trefslag kan loskom. Hy sê dít sal egter slegs gebeur wanneer drie mense agter in die motor sit.

“Daar bestaan ʼn geringe kans dat die sitplekgordel nie noodwendig die veiligheid kan bied wat hy veronderstel is om te bied nie, daarom gaan ons al 8 000 van dié voertuie wat reeds verkoop is, herroep,” sê hy.

“Volkswagen verkry tans die nodige inligting van die buiteland en ons sal in kontak met klante wees sodra ons presies weet wat die besonderhede is en hoe die proses moet verloop.”

Gennrich sê die tegniese probleem sal vanweë die aard daarvan eenvoudig wees om reg te stel.

Die motorvervaardiger sal binnekort meer inligting bekend maak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
JM

Al weer Volkswagen

Vonkprop

Fabrikate fokus deesdae so baie aan fieterjasies en tegnologiese goetertjies hulle vergeet om die basiese goed reg te doen soos ‘n eenvoudige sitplekgordel of enjinpype, noem maar op. Dit gaan oor geld en om so veel en so vinnig as moontlik uit kry om verkope te druk. Ek dink dit doen meer skade vir jou beeld om heeltyd motors terug te roep as om jou tyd te vat om seker te maak jou produk werk en dit dan beskikbaar te maak. Al vat dit ‘n maand of twee langer.

Wonder

O genade! Nou is daar ook towenaars by hulle? Gelukkig ry ek nie Volkswagen nie.

Andre C

Geen blankes vir VW se motorsportprogram ,hoop VW bly in die nuus.!

Piet Pompies

Blykbaar kan die middelste en een kant passasier se gordel knip los knip indien daar 3 passasiers op die agtersitplek sit. Dit is omdat twee knippe langs mekaar is en indien daar sykant beweging tussen die passasiers is haak die knippe aan mekaar waar die een die ander losknip. So dit is asof iemand jou sitplekgordel los knip.