Vonnisverrigtinge begin in Coligny-moordsaak

Pieter Doorewaard en Phillip Schutte in die Coligny-landdroshof (26 Junie 2017). Foto: ANA

Die vonnisverrigtinge van die twee mans wat skuldig bevind is aan die moord op ʼn 16-jarige seun van Coligny in Noordwes sal vandag in die hooggeregshof in Mahikeng begin.

Pieter Doorewaard en Phillip Schutte sal gevonnis word vir die moord op Matlhomola Mosweu nadat die hof beslis het die mans het Mosweu op 20 April 2017 van ʼn bewegende bakkie af gegooi. Mosweu het sy nek gebreek en is kort ná die voorval dood.

Die vonnisverrigtinge gaan voort ondanks die feit dat die enigste ooggetuie in die saak teen Doorewaard en Schutte, Bonakele Pakisi, na bewering erken het hy het gelieg toe hy aan die hof gesê het hy het gesien hoe die twee mans die tienerseun vermoor.

Die Sondagkoerant Rapport het vroeër vandeesmaand onthul dat Pakisi glo teenoor twee mense gebieg het dat hy in die hof gelieg het en dat sy bekentenis op band opgeneem is.

Doorewaard en Schutte het deurentyd skuld ontken op die aanklagte teen hulle en voer aan Mosweu is nie van die bakkie af gegooi nie, maar het self van die bewegende voertuig af gespring toe hulle hom na die polisiestasie wou neem omdat hy sonneblomme gesteel het.

Die twee beskuldigdes is in Oktober verlede jaar skuldig bevind op aanklag van moord, ontvoering, intimidasie, diefstal en die rig van ʼn vuurwapen.

Dit is nie onmiddellik duidelik hoe die nuusberigte oor Pakisi se beweerde bekentenis die vonnisverrigtinge sal beïnvloed nie, maar die verwagting is dat die vonnisverrigtinge afgehandel sal word voordat ʼn moontlike appèlaansoek aangehoor sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Werner

Eenigste ooggetuie het gelieg wat n grap wie nog in reg en geregtigheid glo in die land stem seker DA

Nadia

Gee die oog getuie straf! Hy het 2 jaar van die mense opgeneek! Hy maak ‘n speel plek van die hof

Johan

Hierdie is ‘n toets-saak vir die’ nuwe’ Suid-Afrikaanse regstelsel. Gaan dit ‘n eerlike, objektiewe uitspraak of n politieke uitspraak wees?

ano

Hierdie arme 2 mense het nie ‘n kans nie.

Werner

Ooglopend Abe dis nog net die DA wat glo hier is nog reg en geregtigheid