Die 36-jarige omroeper wat vroeër by Kingfisher FM gewerk het, is tydens ʼn vorige verskyning op borgtog van R2 000 vrygelaat.
Volgens die staat het die omroeper, wat nie geïdentifiseer mag word voordat hy gepleit het nie, glo verskeie dreigoproepe aan ʼn 22-jarige vrou gemaak. Hy is in Augustus in hegtenis geneem. Die omroeper het glo gedreig om die vrou te verkrag en seksueel aan te rand.
Die beskuldigde word deur die bekende Kaapse prokureur William Booth verteenwoordig. Die saak is tot 2 Maart uitgestel wanneer daar na verwagting op ʼn verhoordatum besluit sal word.
Kan iemand my vertel hoekom hulle so lank vat om met die saak aan te gaan? Lyk vir my of die beskuldigde speel vir tyd, die rede hoekom hy nog nie gepleit het nie.