Argieffoto
Die voormalige skeidsregter Clifford Malgas is Vrydag gevonnis vir korrupsie wat verband hou met wedstrydknoeiery in Junie 2011 tydens die Vodacom-beker in Kaapstad.
Hy is in die Bellville gespesialiseerde handelsmisdaad hof tot vier jaar tronkstraf gevonnis op aanklag van korrupsie en meineed, het die Suid-Afrikaanse Sokkervereniging (Safa), gesê. Die vonnisse is nie opgeskort nie en Malgas sal effektief vier jaar agter tralies deurbring.
Malgas het saam met Phil Setshedi, Bafana Bafana se voormalige assistent-afrigter wedstryde geknoei. Setshedi is in 2013 skuldig bevind aan wedstrydknoeiery.
Die landdros het gesê dit is ʼn baie ernstige oortreding om die integriteit van sport in die weegskaal te bring. Safa-president Danny Jordaan het gesê geen steen sal onaangeraak bly nie om korrupsie in sokker uit te roei. Hy het die vonnis verwelkom.
Ek het nie geweet daar is n Vodacom beker in sokker nie.
Dagsê Ivan
Tussen 1998 en 2012 het SAFA se Tweede Divisie (Second Division/ABC Motsepe-beker) bekend gestaan as die Vodacom-beker.
Groetnis
Suné
nms Maroela Media
Hi Sune,
Dankie.
Groete.
Hi Sune,
Dankie vir die brokkie inligting.
Groete.
Ek hoop van harte hulle wil of sal een of ander tyd die klomp rugby skeidsregters ook vas vat