‘Voortdurende reddingsboeie kan Denel nie red’

Natasha Mazzone. Foto: Facebook

Die DA het Saterdag gesê dit is net nie meer rasioneel of volhoubaar vir die regering om volle eienaarskap van die wapenvervaardiger Denel te hê nie en die maatskappy moet gedeeltelik geprivatiseer word.

Dit kom nadat die regering pas weer ʼn reddingsboei van R1,8 miljard aan Denel betaal het om te verhoed dat die sukkelende maatskappy heeltemal ondergaan. Danie du Toit, groep‑ uitvoerende hoof by Denel, het vroeër gesê ʼn bykomende R1 miljard vir die maatskappy sal oorweeg word in die 2020/’21‑begrotingproses.

Natasha Mazzone, woordvoerder van die DA, sê die reddingsboei aan die “bodemlose put wat Denel is”, is nie volhoubaar nie.

“Om net aanhou om geld na Denel te gooi, gaan die maatskappy nie regruk nie. Die wapenvervaardiger moet geheel en al oorgedoen word,” sê sy.

Mazzone meen ʼn belaglike hoeveelheid belastinggeld word op staatsinstansies bestee en die publiek kry baie min daarvoor terug.

“Dit is nie meer rasioneel of volhoubaar dat die regering Denel ten volle besit nie. Dit moet gedeeltelik geprivatiseer word. Daar is baie verdedigingsmaatskappye in die wêreld wat sal belangstel om aandele te koop en die regering moet hierdie moontlikhede ondersoek,” sê sy.

“Reddingsboeie bring dalk tydelik verligting vir staatsinstansies, maar doen permanente skade aan die nasionale fiskus. Deur hierdie entiteit te privatiseer, sal ons die impak van regeringsreddingsboeie op die fiskus verminder, mededingendheid aanmoedig, doeltreffendheid verbeter, en werkskepping stimuleer.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
leser

denel kan net sowel sy deure sluit, jammer vir die wat daar werk, maar denel is nie meer denel nie
wanneer laas het denel probeer om iets te maak wat geld kan maak
denel kopieer as wapenvervaardiger , ander oorseese produkte en probeer dit verkwansel teen veel meer as die oorseese produkte

Johann cb

Dieselfde geld vir SAL, Eskom en vele ander.

wiehan

Ek weet nie waarom almal so kla nie, destyds toe mense JA gestem het, het geweet wat gaan gebeur as die ANC die regering oorm=neem, Maar nee, ons weet mos altyd beter, dit gebeur mos net met ander, mos nooit met onsself nie.
Kry vir julle, Hou op kla, dis wat jul wou gehad het!
ALLES GAAN IN MEKAAR TUIMEL! ALLES!

Al

Die regering wil nie luister nie, gaan voort om reddingsboeie uit te gee vir SOE’s asof dit lekkers is – terwyl dit hardwerkende belastingbetalers se geld is wat vermors word.
Hul probeer DA en VF spite om nie na hul oplossings te luister nie. Op die ou end spite hul net hulself.
SOE’s is verantwoordelik vir hul eie gemors.
Dis waar, belastingbetalers kry min terug van die regering.

Klipindiebos

Dit wil vir my voorkom of die regering nie skaam kry oor al hulle mislukkings nie. Of is dit ‘n kwessie van ‘n gebrek aan ‘n gewete oor al die belastinggeld wat so deurgebring word. Ons moet ‘n organisasie stig wat waarvan die afkorting “RED”, is.