Voortrekkermonument oop vir sake ná rooftog

Foto: Verskaf

Sake gaan voort soos normaal by die Voortrekkermonument in Pretoria ná ʼn gewapende rooftog Dinsdagoggend.

ʼn Veiligheidswag wat aan diens was by die hoofhek van die monument in Eeufeesweg is Dinsdag in die vroeë oggendure deur drie mans oorval.

Volgens Geraldine Paulsen, woordvoerder van die monument, het die rowers eers ʼn motor by Fonteinedal probeer kaap, maar dit het misluk waarna hulle by die monument toegeslaan het.

“Twee van die verdagtes was gewapen en die rowers het tydens die voorval die venster van die hekkantoor gebreek en die kasregister en rekenaarskerm gesteel. Hulle kon nie die rekenaar se hardeskyf steel nie. Hulle het ook die kamera by die hoofhek verwoes.”

Geen kontant word snags in die hekkantoor of kantore op die terrein van die Voortrekkermonument gehou nie. “Die rowers het ook die hekwag se persoonlike besittings geneem. Hy is gelukkig nie ernstig beseer nie.”

Paulsen het gesê die polisie was reeds vroegoggend op die toneel. “Volgens die hekwag was die mans nie Suid-Afrikaanse burgers nie. Ten spyte van die feit dat die rowers die kamera by die hek vernietig het, kon die polisie duidelike foto’s van die drie rowers aflaai.”

Die monument gaan intussen vandag voort met normale sake-ure en besoekers kan steeds van die hoofhek gebruik maak om toegang tot die monument se terrein te kry.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

12 Kommentare

jongste oudste gewildste
Realis

Die Polisie het duidelike fotos van die kriminele afgelaai. Volgens POPI mag niemand sien hoe lyk hulle nie want hulle regte sal aangetas word. So die Polisie het hulle tyd gemors om fotos af te laai. Hulle mag dit vir niemand wys sonder die krims se toestemming nie. Lekker hawe vir die kriminele hier in SA.

Hansmyt.eeiskoud

Buitelandse honde!

Kultuur

Die betekenis en inligting wat die Monument in terme van SA se kultuurhistoriese beeld bydra is sopas opgegradeer.

Andre

Wys die fotos!

Sodat ons almal kan help soek na die rowers!

Ons kén hulle dalk!

Theresa

Ek stem saam met julle. Maar wat – hulle voel ‘n veer want dis maar net die Monument. Plek is van GEEN belang vir hulle nie.