Nelson Mandela
Die Voortrekkers het sy innige meegevoel Vrydag betuig met die Mandela-familie met oud-president Mandela se afsterwe.
“As ʼn Afrikanerjeugbeweging huldig Die Voortrekkers die wyse waarop oud-president Mandela sy hart oopgemaak het vir Suid-Afrika se kinders,” het Danie Langner, hoofleier van die Voortrekkers, gesê. “Hy sal onthou word vir die persoonlike warmte waarmee hy kinders behandel het.”
Die Voortrekkers het ʼn Mandela se woorde aangehaal: “Die karakter van ʼn nasie word gemeet aan die wyse hoe hy sy kinders behandel.” “Hierin het hy ‘n voorbeeld vir oud en jonk gestel. Suid-Afrikaners kan vir kinders ‘n beter toekoms skep deur voort te bou op waardes van omgee, deernis en positiewe betrokkenheid,” het Langner bygevoeg.
