Vragmotorbestuurder langs pad vermoor

Jan Stickling (Foto: SALTruckers via Twitter)

ʼn Vragmotorbestuurder van Memel in die Vrystaat is Vrydagaand op die Amersfoort-pad, digby Ermelo in Mpumalanga, deur ʼn groep mans oorval en vermoor. Jan Stickling (58) het met ʼn pap band langs die pad gaan staan toe die mans hom oorval het.

Brig. Leonard Hlathi, woordvoerder van die polisie, sê die voorval het Vrydag omstreeks 19:00 plaasgevind.

Volgens Hlathi het Stickling klaarblyklik een van sy kollegas in Newcastle in kennis gestel dat hy met ʼn pap wiel langs die Amersfoort-pad gaan staan het.

Hlathi sê Stickling was besig om die boute van die wiel los te skroef toe hy skielik deur die groep aanvallers van agter af oorrompel is. Hy sê een van die mans het hom vermoedelik teen die agterkop geslaan waarna hy toe op die grond neergeval het.

“Hy is met skerp voorwerpe gesteek,” sê Hlathi.

Die aanvallers het Stickling se skoene, bril en vragmotorsleutels gebuit.

Tot dusver is niemand nog in verband met die aanval vasgetrek nie.

“Ons versoek dat enigiemand met inligting wat tot die inhegtenisneming van die skuldiges kan lei, hul naaste polisiestasie kontak,” sê Hlathi.

SA Long-distance Truckers het in ʼn inskrywing op hul Facebook-blad hul medelye met Stickling se familie betuig. Volgens die inskrywing word vragmotorbestuurders gereeld aangerand. “Waar is geregtigheid vir Stickling? Waar is geregtigheid vir ons vragmotorbestuurders? Dit is die werklikheid wat vragmotorbestuurders elke dag moet trotseer,” lui die verklaring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

12 Kommentare

jongste oudste gewildste
MCH

Mense daar is oorlog teen ons wit mense verklaar.

Sandra

Vir wat? Skoene, bril en ‘n trok met ‘n pap wiel? So onnodig.

Isabella

DT GAN NT ERGER WORD MOORD EN DOODSLAG IS ONS VOORLAND ONS HT GEEN KANS …ONS IS VERONDERSTEL OM GELUKKIG TE LEWE MAR ONS LEEF IN VREES ELKE DAG

Magda

Defnitief oorlog teen WIT MENSE.

Daniel

Walglik, probeer jou werk doen en jy word vermoor. Mens sal nie meer kan stilhou om ‘n wiel te ruil. Dis duidelik moord net omdat hy wit was