Vragmotors in Wes-Kaap geplunder

De Doorns Foto: Wsteyn , Dreamstime Stock Photos, Stock Free Images

Vragmotors is Donderdag in De Doorns en Worcester in die Wes-Kaap aangeval en geplunder.

Die N1-snelweg in De Doorns moes Donderdagoggend gesluit word ná vragmotors en ander voertuie tydens ʼn betoging met klippe bestook is. Plaaslike inwoners het twee vragmotors tydens die voorval geplunder.

Nog ʼn vragmotor is in ʼn afsonderlike voorval in Robertsonweg in Worcester geplunder ná dit in ʼn ongeluk betrokke was.

“Hierdie misdade kan nie geduld word nie,” het Bonginkosi Madikizela, provinsiale LUR vir vervoer en openbare werke, gesê. “Ons wetstoepassingsagentskappe moet seker maak dat ernstige stappe gedoen word teen oortreders. Enigiemand wat skuldig is, moet vervolg word. Ons verkeersbeamptes is op die paaie besig om die situasie te monitor en verkeer te herlei om seker te maak motoriste kom veilig by hul bestemmings aan.”

Madikizela het gesê hy het verlede maand met die vragmotorbedryf vergader en die provinsiale verkeersdiens het onderneem om hul bedrywighede te verskerp.

Albert Fritz, LUR vir gemeenskapsveiligheid, het gesê plundery en diefstal uit voertuie, veral vragmotors wat voorraad vervoer, het geen plek in die samelewing nie. “Dit het ʼn nadelige impak op ons plaaslike ekonomie, bedreig indiensneming en die lewens van hardwerkende inwoners. Dit lei ook tot ʼn gevoel van onsekerheid in ons samelewing. Ek veroordeel hierdie gedrag ten sterkste.”

Enigiemand met inligting oor die voorvalle word versoek om dit aan te meld by Crime Stop (08600 10111), of stuur ʼn SMS aan 322111 of gebruik die MySAPS-app.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Stefanie Tredoux-Malian

Hierdie misdade kan nie geduld word nie is julle altyd vinnig om te sê maar te useless om iets te doen!!!!!

Anne

Lekker gratis tv’en en en…

piper

dit sal nie geduld word nie maar gebeur gereeld. nee wat daar word net gepraat en niks gedoen nie.

Juffer

Bla bla bla bla…….

PJ

Ek het dan verstaan ons moet mag oorgee anders sou daar chaos wees nou wat het ons nou harmonie ? He he he