Vrede-plaasaanval: Kritzinger-egpaar geopereer; verdagte in hof

Die Kritzinger-egpaar (middel) saam met hul twee kinders, dié se gades en hul vier kleinkinders. Foto: Verskaf

Die Kritzinger-egpaar (middel) saam met hul twee kinders, dié se gades en hul vier kleinkinders. Foto: Verskaf

Johannes (70) en Rita (68) Kritzinger, wat Sondag wreed op hul plaas naby Vrede aangeval is, sterk steeds in die waakeenheid aan nadat albei Dinsdagaand geopereer is.

Konst. Maselela Langa, woordvoerder van die polisie, het intussen gesê die verdagte wat Sondagaand in Vrede in verband met die aanval in hegtenis geneem is, Woensdag in die periodieke hof in Vrede verskyn. Die soektog na die tweede verdagte gaan intussen onverpoosd voort. (Lees meer hier)

Ds. Ruan Combrink, wat namens die Kritzinger-familie kommentaar lewer, het gesê die Kritzinger-egpaar is albei Dinsdagaand geopereer. “Die koeël in oom Johannes se kop is verwyder. Daar is aanvanklik gedink dit het in die skedel vasgeslaan maar dit is deur die kopbeen. Oom Johannes sal vir die volgende week onder verdowing gehou word voordat dokters sal probeer vasstel of daar skade aan sy brein aangerig is.”

Volgens Combrink is daar intussen vasgestel dat Rita drie keer geskiet is en nie twee keer soos vroeër vermoed nie. “Die koeël in tannie Rita se voorkop is verwyder en het dokters gesien daar is ook ʼn koeël wat agter haar oor vassit. Dokters het besluit om nie dadelik die koeël te verwyder nie aangesien hulle bang is dit kan gevaarlik wees.” Rita is ook in die bors geskiet.

Maroela Media het vroeër berig dat twee verdagtes die egpaar glo helder oordag by hul huis ingewag het nadat hulle by die kerk was. “Die twee verdagtes het na bewering by die huis ingebreek en in die huis vir die egpaar gewag. Hulle het glo dadelik skote op die egpaar geskiet en albei gewond. Me. Kritzinger is ook geslaan en aan meubels in die eetkamer vasgebind,” het Langa gesê.

Die aanvallers het aangedring op die sleutels van die kluis, maar op die vlug geslaan toe Johannes dit kon regkry om by die noodknoppie uit te kom, wat ook die alarm in die huis laat afgaan wanneer dit geaktiveer word. Volgens Langa het die aanvallers die egpaar gemartel. Rita kon die eerste mense op die toneel inlig dat sy wel een aanvaller as ʼn voormalige werknemer herken het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
amanda

Dit is so wreed om te dink dat iemand wat hulle famielie aan die lewe probeur hou deur om vir hul werk te skep hul so anval……… Wreed en ondankbaar

JENETHY

Dit is 99.99% altyd werkers wat die aanvallers is. Ons swakpunt is dat ons te maklik vertrou en teveel omgee vir die verkeerde “mense”. Al hoe meer van ons eie mense bly in plakkers kampe en ons kyk hul mis.

pop

Jenethy, nou praat jy raak. Gee ons mense wat in plakkerskampe woon n werk, en hoop.

Christie Joubert

Ek lees van “in gewag” en “koeels wat uit skedels verwyder moes word”. Met ander woorde; ingewag om tereggestel te word.

Winston

Doelgerigte beplande moord. Nie maar net roof nie. Baie duidelik uit alles wat ek sovêr gelees het oor hierdie berig. Ontkenning van regerings kant is totaal onaanvaarbaar. Sterkte aan die slagoffers en almal na aan hulle.