Kol. Tembinkosi Kinana, woordvoerder van die polisie, het gesê lede van die taktiese reaksie-eenheid het patrollie in Gugulethu gedoen toe hulle inligting ontvang het oor ʼn vrou wat glo by onwettige aktiwiteite betrokke is.
Volgens Kinana is die polisiebeamptes na die vrou se huis en dwelms en ammunisie is in die slaapkamer gevind.
Kinana het gesê die dwelms en ammunisie was in kompartemente onder die bed versteek. Die polisie het op Mandrax-tablette en poeier, 25 rondtes ammunisie sowel as kontant beslag gelê.
Kinana het gesê die vrou is in hegtenis geneem en sal binnekort in die hof verskyn.