Vrou (45) neem glo eie lewe by Pta-winkelsentrum

Argieffoto

ʼn 45-jarige vrou is dood toe sy Woensdagmiddag na bewering selfmoord gepleeg het deur van die sesde vlak van die Menlyn Park-winkelsentrum in Pretoria te spring.

Kapt. Anton Breedt, woordvoerder van die polisie, het die voorval bevestig.

Breedt sê die polisie is Woensdag ná 15:00 deur ʼn veiligheidswag na die toneel ontbied. Volgens hom het die veiligheidswag opgemerk dat die vrou van die gebou af wou spring, en daarin geslaag om haar aanvanklik te oorreed om nié te spring nie.

“Die veiligheidswag was oortuig dat die vrou ná die eerste poging nié sou spring nie. Hy het net begin loop toe die vrou van die gebou af gespring het en het toe onmiddellik die polisie na die toneel ontbied. Volgens ons inligting het sy van die sesde vloer van die winkelsentrum afgespring en sy is op die toneel dood,” sê hy.

Hy sê ʼn geregtelike doodsondersoek word tans gedoen.

Die Menlyn Park-winkelsentrum het Donderdag op navraag aan Maroela Media gesê die sentrum wil nie in dié stadium kommentaar lewer nie en wag vir die ondersoek om afgehandel te word en die polisie se goedkeuring voordat hulle amptelik met hul klante en die media korrespondeer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Maddie

Sies tog, ek dink daardie wag blameer homself ook daarvoor. Maar weet verseker, sy het ‘n kans gevat dat hy sou loop, en as hy nie sou loop nie, sou sy in elk geval gespring het as iemand te naby aan haar gekom het. Haar besluit was geneem en niemand kan blameer word nie. Dis ‘n verskriklike ding om oor te kom en my hart gaan uit na haar familie en vriende.

weet nie

Die sin kan een van twee kante toe gaan… Of hy het skaars begin loop toe besluit die vrou om te spring of toe hy sien die vrou begin spring het hy begin wegloop….

James

Ai Marianne, dit is so bitter jammer jy was nie daar om die situasie korrek te hanteer nie.

RIV

Los die veiligheidswag uit, hy is nie verantwoordelik vir ‘n persoon wat homself of haarself om die lewe wil bring nie. Hy is nie ‘n psigiater of ‘n sielkundige of ‘n onderhandelaar nie. DALK moet dit liewer nie moontlik gemaak word vir mense om van die dak af te spring nie as wat die sekuriteitswag nou weer die skuld moet dra vir ‘n selfmoord. RIV .. weet nie wat haar probleem was nie, maar dit is nou oor, sy rus nou. Sterkte aan haar familie.

thelsa

Ek neem aan dit sal van die 6e vlak (Parkeerarea) gewees het. Die winkelsentrum self het nie 6 vlakke (verdiepings) nie