Vrou (59) verjaag aanvallers met wapen

Argieffoto

ʼn 59-jarige vrou het Vrydagaand aanvallers buite haar huis met ʼn vuurwapen verjaag.

Kol. Mtsholi Bhembe, woordvoerder van die polisie, het gesê die voorval het omstreeks 20:00 by haar huis in Rivulets, Schagen, sowat 15 km buite Nelspruit in Mpumalanga plaasgevind.

Die vrou was glo alleen in die huis besig om te slaap toe sy van ʼn geluid wakker geword het en ondersoek gaan instel het.

Marius Müller, nasionale operasionele koördineerder van AfriForum, het aan Maroela Media gesê die aanvallers het ʼn venster van die huis gebreek.

Die vrou het tussen drie en vier aanvallers gewaar toe sy gaan ondersoek instel het en die verdagtes het toe glo op haar losgebrand.

“Sy het terug geskiet en die verdagtes het gevlug. Daar is bloed op die toneel aangetref – sy is nie geskiet nie so dit beteken dus óf hulle het hulself gesny toe hulle die venster gebreek het óf sy moes een van hulle gewond het.”

Die polisie ondersoek ʼn saak van huisbraak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

30 Kommentare

jongste oudste gewildste
Anoniem

Wat soek hulle daar, hulle was nie vir die braai genooi nie ! Mooi Mevrou ! Wees paraat, hulle kom WEER terug !

Piet

Sy was paraat met haar vuurwapen op haar soos dit hoor as almal so paraat is sal daar baie minder moord en aanrandings wees wan hulle is lafaards as die skote klap dan vlug hulle boere op plase neem notisie wapens nie in kluis maar by jou mooi gedoen vrou geen skrapie opgedoen nie want wapen was onmidillik byderhand dat kon soveel moorde al voorkom gewees het as mense hul wapens byderhand gehad het ek slaap met myne by my

HPV

Vuurwapen byderhand… klaar gepraat!

Grysburger Pretoria

Die dame het duidelik goed gevaar as verdediger. Haar wapen was by haar en nie “veilig” in ‘n kluis nie. Lyk ook nie of sy onsinnige “waarskuwingsskote” afgevuur het nie. Puik gedoen, hoop dit is ‘n inspirasie vir ander.

Die Stem

Dis mooi.
Al meer mense is gereed vir hulle.
Bly paraat en beinvloed ander ook om gereed te wees.