Vrou (81) vas oor dagga

Foto: SAPS.

Foto: SAPS.

ʼn 81-jarige vrou van die Oos-Kaap is Woensdag in hegtenis geneem nadat verskeie daggaplante op haar erf aangetref is.

Kapt. Jackson Manatha, polisiewoordvoerder, het Donderdag gesê die polisie was omstreeks 16:30 besig met roetinepatrollie in die Mente-nedersetting naby Willowvale toe hulle die plante op die erf gewaar het.

“Daar was agt plante met ʼn geskatte straatwaarde van R2 500,” het Manatha gesê. “Die vrou is by haar huis in hegtenis geneem en die daggaplante is van die perseel verwyder.”

Die vrou moet Donderdag in die Willowvale-landdroshof verskyn op aanklag van die onwettige besit van daggaplante.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
LOL

Agnee los haar laat sy haar geldjie maak .. siestog .. Een dag skreeu julle almal Dagga moet gewettig word die volgende dag vang julle ‘n ou tannie wat haar staatspensioentjies aanvul .. Siestog R2500 is nou nie juis baie geld nie .. dalk wou sy dit net vir ‘n siektetoestand gebruik, jy weet op 81 sit jy met vele kwale waaraan die dokters niks kan doen nie ;)

Ilze

Regtig.. is dit in belang van geregtigheid? As sy gevind is waar sy dit verpak en verkoop.. dan kan mens verstaan.

Carien

Los die Tannie, sy is net te oud om die “bossies” uit the trek, sy het nie geweet haar onkruid het so hoë straatwaarde nie.

Ina

Ag asseblief!! Hierdie mense met hulle dubbele standaarde maak mens sommer siek,om n ou mens van 80 te arresteer oor plante,rerig??en dit terwyl ons land bloei ..nee wat,nes ek dink ek het alles gehoor.

cor

Regtig is dit nodig, gaan kyk maar by baie staats persele hoe welig groei die groen twak daar. In Kroonstad by landroshof was ‘n groot plant en is toe maar na navrae deur joernalis deur SAP verwyder. By ‘n Hospitaal aan die oos rand groei dit welig en word met hospitaal se water natgelei net so by ander persele. Iemand gaan seker ‘n geldtjie maak met die ou dame se medisyne.