(Foto: ER24)
’n Man is dood en ’n jong vrou ernstig beseer nadat die man vroeër geskiet is en deur ’n heining in Claremont in die weste van Johannesburg gebars het.
Russell Meiring, woordvoerder van ER24, sê paramedici is Dinsdag om 13:48 na Princessweg ontbied nadat ’n man deur ’n heining gejaag en ’n vrou in die proses raakgery het.
Die man, in sy vyftigs, is met paramedici se aankoms met ’n skietwond in die bestuursitplek van sy motor aangetref. ’n 19-jarige vrou is in ’n kritieke toestand in die tuin gevind.
Die man het op die toneel aan sy wond beswyk en is dood verklaar. Die vrou is op die toneel behandel voordat sy na die Helen Joseph-hospitaal in Aucklandpark gehaas is.
Meiring het die voorval as ’n fratsongeluk bestempel.
Die toepaslike owerhede was gistermiddag op die toneel om ondersoek in te stel.
Hoe kan dit as ‘n frats ongeluk beskryf word as die man ‘n skietwond het?
Dit is seker maar hoe Cele se trawante dit sien.
JP Vrae dit dit is mos dan moord ondersoek dan vir moord
Dit is misdaad Cele, nie n surfer op n strand waarvoor jy die weermag nodig het nie.
Vra ek ook JP?
Nee oooh jinne sonnebokke….. die frats ongeluk wat hulle van praat is die meisie wat raak gery is, want sy was toevallig op die verkeerde tyd en die verkeerde plek nadat die man geskiet en nog bestuur het en tien teen een bewusteloos geraak het of dood is voordat hy haar getref het, so dit het dus die ongeluk veroorsaak. So die skietery was nie die frats ongeluk nie, die tref van die meisie was.
Soveel vrae, was die man elders in skaking poging geskiet en jaag toe om weg te kom ? Klink na einde van nog ‘n misdaad episode , vir my. Ek twyfel of dit beskou kan word as frats ongeluk…..
Fratsongeluk?? Genade, nou’t ek alles gehoor.
Natuurlik is dit n fratsongeluk. In piesangland waar n nasie eensklaps moet ophou rook, waar kriminele in die parlement sit, waar breinloses burgemeesters is en waar die WEERMAG mense van die strande moet afhou………is dit absoluut n frats dat n gewonde person n motorongeluk maak!!!
Piesangland, LOL – Hennie jy laat my nou lekker lag! Maar ongelukkig is alles wat jy daar sê waarheid.