ʼn 62-jarige vrou is in ʼn ernstige toestand in die hospitaal nadat sy Vrydagoggend in Randjiesfontein in Midrand, Gauteng, van haar perd afgeval het.
Volgens Russel Meiring, woordvoerder van ER24, is paramedici omstreeks 07:15 na die toneel ontbied. By hul aankoms op die toneel het hulle die vrou in die middel van die pad aangetref.
“Die vrou was in ʼn ernstige toestand en het talle beserings aan haar bors opgedoen,” bevestig Meiring.
Paramedici het die vrou op die toneel behandel voordat hulle haar per ambulans na MediClinic Midstream geneem het vir verdere mediese behandeling.
Die omstandighede rondom die voorval word ondersoek.
Mens ry nie alleen perd nie. Dis hoekom ek moes ophou perdry. Baie sterkte aan die dapper dame.