ʼn Vrou is beseer toe ʼn passasierstrein haar motor Dinsdag in Stellenbosch in die Wes-Kaap getref het.
“Die vrou het matige beserings opgedoen,” het Russel Meiring, woordvoerder van ER24, in ʼn verklaring gesê. “Sy is op ʼn draagbaar geplaas om haar rug te ondersteun en na ʼn hospitaal geneem.”
Ooggetuies het aan paramedici gesê dit wou voorkom of die vrou nie die aankomende trein gesien het nie. Die ongeluk het in Bottelaryweg in Stellenbosch gebeur.
Nie een van die passasiers op die trein is beseer nie.