Vrou bewusteloos geslaan tydens plaasaanval

(Argieffoto: Lorraine Claasen)

ʼn Vrou is Saterdag in die vroeë oggendure aangeval toe sy die deur vir haar hond oopgesluit het.

Die 67-jarige vrou woon op ʼn plaas net buite Balmoral tussen Bronkhorstspruit en Witbank (eMalahleni).

Volgens Vasti Mills, inligtingskoördineerder van die BHS-veiligheidsgroep, het die vrou omstreeks 01:00 haar hond uitgelaat.

“Met die terugkomslag het ʼn man, ʼn plaaswerker wat goed aan haar bekend is, by die huis ingestap en reguit na die laai geloop waar die vrou sy geld die vorige middag uitgehaal het.”

Die hond het glo nie vir die aanvaller geblaf nie omdat die man aan hom bekend is. Die vrou is herhaaldelik oor die kop en deur die gesig geslaan totdat sy haar bewussyn verloor het.

“Toe die vrou net voor 08:00 haar bewussyn herwin het, was die verdagte nie meer op die toneel nie. Haar seun, wat in ʼn woonstel op die plaas bly, het kort daarna op sy bebloede ma afgekom en hulp ontbied.”

Volgens Mills het die verdagte met drie selfone, ʼn beursie en ʼn skerm op die vlug geslaan. Lede van die gemeenskap, Vosman-polisie en JVR Sekuriteit het op die toneel gereageer. ʼn Ambulansdiens is ook ontbied.

“Die aanvaller is binne 45 minute deur lede van die gemeenskap aangekeer.” Die vrou is na Bronkhorstspruit-hospitaal geneem vir mediese behandeling.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Pieter

En so gaan dit aan hou ons blankes wil nie standpunt in neem nie

melaney

Môre is nog ‘n dag en môre sal daar net nog ‘n naam (of name) bygevoeg word op die lys. Party mense is gelukkig om met hulle lewe weg te kom. Ander nie. Ons vergeet (of besef nie) dat dié wat gelukkig is om weer hulle normale lewe te hervat, vind dit baie moeilik. Hulle ly aan verskeie gesondheids probleme. Mense wie se familie vermoor is ondervind ook probleme en sukkel om verder ‘n normale lewe te ly. Selfs vir ons wat nie aangeval was nie (altans nog nie) voel bedreig en kan ons nie voluit lewe nie. Hierdie toestand… Lees meer »

JohanR

Maandag aand -plaas aanval, Dinsdag aand -plaas aanval, Woensdag aand -plaas aanval, Donderdag aand -plaas aanval, Vrydag aand – plaas aanval, Saterdag aand -plaas aanval, Sondag aand – plaas aanval. Ou Onder President Cyril Ramaphosa het jy die vernuf om die kolletjies by mekaar te bring. Do you see a pattern here my Deputy President? Die mense wat elke more sorg dat jou breakfast op die tafel is word uitgemoor. Nee jou breakfast kom nie van Woolthworths, Checkers, Shoprite, Spar en P&P. Dit kom van die lande van die boer wat gisteraand vermoor is, en met sy moord het alles… Lees meer »

Duwweltjie

Mense moet besef dat hulle op hulle eie is – dws geen beskerming van die staat se kant af nie.

Die strawwe wat opgelê word is te lig, sommige doen net ‘n derde van hulle vonnis en is dan weer uit op parool.

Adam Adriaan

Deur die stilswye van die ANC/EFF dui daarop dat hulle intens betrokke is by die beplanning en uitvoering van die plaasaanvalle