Ao. Dave Miller, woordvoerder van die polisie, het gesê die man het omstreeks 08:30 by Cura Health Insurance se kantore in Rubensteinrylaan in Moreletapark met sy motorfiets stilgehou. Die man het by die kantore ingestap en vir die vrou gevra. “Terwyl die vrou by die trappe af gekom het, het die man talle skote op haar afgevuur.”
Miller het gesê die vrou is op die toneel dood verklaar. Die man het op sy motorfiets gevlug. Volgens Miller word daar vermoed dat die skietery die gevolg van ʼn dispuut oor huishoudelike geweld is. Die polisie ondersoek ʼn saak van moord en die verdagte is nog soek.
Intussen word ʼn foto op sosiale media versprei van die vermeende skieter. Volgens Miller is die polisie bewus van die foto maar kon dit nog nie bevestig word of dit wel die man is wat die moord gepleeg het nie.
Sjoe. Het daar verby gery. Dit is sad.