Vrou erg aangerand in aanval op hoewe

(Argieffoto: Lorraine Claasen)

Die polisie volg alle moontlike leidrade op nadat ʼn 50-jarige ouma van Rustenburg op haar en haar man se kleinhoewe buite die dorp oorval, aangerand en beroof is.

Die vrou het Donderdag omstreeks 13:00 in die kantoor van hul onderneming, wat van die huis op die kleinhoewe bedryf word, gewerk, toe sy voetstappe hoor, het kapt. Elsabé Augoustides, polisiewoordvoerder in Noordwes, gesê.

Een van die werkers is oënskynlik met ʼn wapen gedreig en in die kantoor ingebring. ʼn Huiswerker is ook vasgebind. Die vrou het by die rowers gepleit om te vat wat hulle wou, maar om hulle nie te beseer nie, het Augoustides gesê.

Die aanvallers het die kluis se sleutel in die hande gekry en kontant, ʼn vuurwapen en juwele gebuit. Die vrou is met kabelbinders vasgebind en deur die huis gesleep. Sy is ernstig aangerand en is onder meer met ʼn skerp voorwerp in die rug gesteek terwyl die huis geplunder is. Haar oë was toegeswel en sy moes ná die voorval steke op haar voor- en agterkop kry, het Augoustides gesê.

Die rowers het later met hul buit en ʼn motorfiets wat aan die vrou se man behoort, gevlug. ʼn Wegkommotor het vermoedelik digby die huis gewag. Die tuinwerker was ná die aanval skoonveld. Hy is steeds soek. Die huiswerker was ongedeerd.

Augoustides het gesê die vrou het toe sy die motorfiets hoor wegry, by ʼn venster uitgeloer en hulp ontbied. Sy is na ʼn hospitaal in Rustenburg geneem, waar sy behandeling ontvang het en ʼn tyd lank vir waarneming opgeneem is. “Hulle was baie rof met haar. Sy is ook geweldig getraumatiseer, maar is baie sterk,” het Augoustides gesê.

Die polisie vermoed tussen drie en vyf aanvallers was by die rooftog betrokke. Hulle is steeds op vrye voet.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

34 Kommentare

jongste oudste gewildste
Woedend

My tannie was n paar jaar gelede ook so aangerand in n plaasaanval. Haar voorman was die grootkop in die aanval. Ongelukkig is die wat die aanval uitgevoer het alreeds vrygelaat. 18maande na die aanval. Hulle het gesit vir huisroof en aanranding. Nie poging tot moord of sulke goed nie. Aanranding. Sadly kon my.tannie nie die trauma verwerk nie en het sy selfmoord gepleeg 3 jaar na die aanval.

Anel

Waar is die MRK nou????

Henk

dis net ‘n free for all teen wittes, Malema se haatspraak help niks, maak net als erger. wow waar gaan dit einding. Komaan buiteland julle bekke was die grooste , kom help nou.

Brim-brim

MRK= Mees rassistiese kommissie.

Anon

Nou ja, as iemand vir jou alles aanbied wat jy wil vat en jy steek hulle soos ‘n lafaard in die rug, is jy daarop uit om te terroriseer en te moor. Waar is jou stem nou Mnr. Rhamaphosa? Waar is julle stemme nou MRK? Kom vertel ons hoe onderdruk julle was en hoe lank julle só deur ons geterroriseer en gemoor is? Lafaards! Leuenaars!