Vrou gee geboorte in Jhb-winkelsentrum

Argieffoto: ER24

ʼn Vrou van Randburg in die noorde van Johannesburg het glo Sondagaand laat in ʼn winkelsentrum in dié stad geboorte gegee aan ʼn babaseun.

Russel Meiring, ER24-woordvoerder, sê die vrou het glo begin kraam in ʼn winkelsentrum in Northriding.

Volgens Meiring is nooddienspersoneel deur veiligheidswagte by die sentrum na die toneel ontbied.

“Met die aankoms van paramedici by die winkelsentrum het die vrou in die kantoor van die veiligheidsbeamptes gelê,” sê hy. “Die beamptes het die vrou probeer bystaan.”

Volgens Meiring is die vrou eers ondersoek. Daar was egter nié genoeg tyd om nog met haar na ʼn hospitaal te jaag nie, en haar baba, ʼn gesonde babaseuntjie, is by die winkelsentrum gebore.

Die ma en haar baba is na die Rahima Moosa-hospitaal geneem waar sy behandel word. Daar was volgens berigte geen komplikasies nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Alida ·

Wat soek ‘n vrou wat WEET sy kan enige oomblik kraam in ‘n winkelsentrum . Daar is waarskuwingstekens tenminste ‘n paar uur voor die tyd. Genade lyk my hulle soek aandag.

Die Apteker ·

‘n Swanger vrou Weet gewoonlik sy kan enige tyd kraam vandat sy 38 weke swanger is tot 42 weke. En dan is winkelsentrums deesdae kilometers lank. En boonop word die vrou aangemoedig om ver te stap om die kraamproses te laat begin. Dan is dit ook natuurlik om sommer 24uur in kraam te wees. Net soos n geboortes kan daar seker sterftes ook in winkelsentrums plaasvind.

Alida ·

Sy mors ER24 se tyd. Hulle kon iemand gehelp het in ‘n noodtoestand LW noodtoestand.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.