Vrou geskors ná ‘rassistiese’ Facebook-skrywe

Skermskoot van 'n plasing wat van Vanessa Hartley se Facebook-rekening gedoen is

Skermskoot van ‘n plasing wat van Vanessa Hartley se Facebook-rekening gedoen is

Vanessa Hartley, die vrou van Houtbaai in die Wes-Kaap, wat opslae gemaak het toe sy glo rassistiese uitlatings op haar Facebook-blad gemaak het, is by haar werkplek geskors.

Maroela Media het vroeër berig Hartley is by die Suid-Afrikaanse Menseregtekommissie (MRK) van rassisme aangekla oor die plasing. Hartley het glo geskryf: “They are like stupid animals. We should tie them to a rope. Too many Africans flocking to Hout Bay. Draw up a petition. Soon there will be nothing left of Hout Bay.”

Hartley se werkgewer, The Eye of Horus-veiligheidsmaatskappy, het Dinsdag op hul Facebook-blad bevestig die maatskappy het tydens ʼn vergadering besluit om Hartley te skors hangende verdere ondersoek. “Die maatskappy distansieer homself ook van alle bewese rassistiese kommentaar,” het die maatskappy gesê.

ʼn Eiendomsagent van KwaZulu-Natal, Penny Sparrow, het vroeër vanjaar ʼn soortgelyke mediastorm ontketen, toe sy in ʼn Facebook-inskrywing swart mense met ape vergelyk het. Sparrow het skuld beken op ʼn aanklag van naamskending en is beveel om ʼn boete van R5 000 te betaal, of ʼn jaar agter tralies deur te bring.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

54 Kommentare

jongste oudste gewildste
Whatever

Daai rassisme kaart werk ook net een kant toe. Ek nou in Houtbaai en gaan maar niks sê nie. Dis belaglik verby…

De Villiers

En Malema kan maar sê wat in sy onbeheerbare verstand opkom, en niks gebeur met hom nie. Belaglik

Elize

Stem volkome saam met De Villiers en KS!!!!!!! Rassisme werk net na eenkant toe.

Cherokee

Maar Landbou Weekblad het gesê albertus van wyk het in sy privaat hoedanighede aanmerkings gemaak en hom dus nie geskors nie.

Ben Prinsloo

Sy moet by Landbouweekblad gaan werk. Daar kan jy maar rassistiese uitlatings maak soos dit jou pas, jy word net na n ander departement verskuif.