Vrou glo deur huishulp aangerand

Foto: Reaction Unit SA

ʼn 60-jarige vrou is in Verulam in KwaZulu-Natal aangeval, na bewering deur haar huishulp.

Kapt. Nqobile Gwala, woordvoerder van die polisie, het bevestig die voorval het Donderdag omstreeks 12:00 by Trenance Park plaasgevind. “Die vrou was by haar huis toe sy deur iemand wat aan haar bekend is, aangeval is. Die slagoffer is verskeie kere met ʼn mes in die kop en gesig gesteek. Sy is na die hospitaal geneem vir verder behandeling,” het Gwala gesê.

Niemand is nog in verband met die voorval in hegtenis geneem nie. Die polisie ondersoek ʼn saak van aanranding met die doel om ernstig te beseer.

Prem Balram, woordvoerder vir die KwaZulu-Natalse gemeenskapspolisiëringsforum Reaction Unit SA, het intussen gesê die vrou was by die huis toe haar huishulp en die se kêrel by die huis opgedaag het. Een van die bure het die reaksie-eenheid ontbied. “Na bewering het die huishulp twee weke gelede vir die vrou begin werk. Bure het getuig dat hulle die huishulp en kêrel kort ná die voorval van die toneel sien vlug het.”

Volgens Balram was roof moontlik die motief vir die voorval, aangesien die hele huis geplunder is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

44 Kommentare

jongste oudste gewildste
Hennie

Ok ek is seker dom maar as ek iemand moe steek met n mes dan is dit poging to moord. Nou hoekom as n huishulp en haar kerel n brou van 60 verskeie kere steek met n mes dan word net n saak van aanranding met die doel om ernstig te beseer ondersoek? Die land moet hulle die wet stelsel ondersoek en kyk hoekom als eweskielik dubbel standarde het!!!! Skrik wakker SAPD en ondersoek n saak van poging tot moord!!!!!!

Ja ne

Ja aanranding mos. DUBBEL STANDARDE

Oom Kalahari

@ Hennie, stem met jou saam op daai stelling, dit is uit en uit ‘n saak van poging tot moord. Die vrou is aangeval met ‘n mes (sjerp voorwerp) en verskei kere met mes gesteek. Hul weet wie die verdagte is en glo ook deur die slagoffer genoem, maar nuemand is nog gearresteer nie. Hoe belaglik kan dit wees. Arresteer daai huishulp en neem haar vir ondervraging. Pisang Republiek met sy boendoe regstelsels.

Marinda

Ai, dis erg. Sterkte

Ek maak maar eerder my eie huis skoon.

Michael

Dan vra hulle hoekom ons hulle nie wil werk gee nie !!!!!!