Vrou in gesig geskiet tydens aanval

Die aanvallers het toegang tot die huis verkry deur ʼn venster stukkend te slaan en die diefwering oop te sny. Foto: Watchdog Tzaneen

ʼn Vrou is Dinsdag in die vroeë oggendure in die gesig geskiet nadat ses aanvallers op die gesin se huis op ʼn kleinhoewe buite Tzaneen in Limpopo toegeslaan het.

Marius Jacobs, woordvoerder van Northern Security en stigter van die Watchdog Tzaneen-inisiatief, het aan Maroela Media gesê die voorval het tussen 01:00 en 02:00 op een van die Lushof-kleinhoewes gebeur.

Volgens Jacobs het die aanvallers toegang tot die huis verkry deur ʼn venster stukkend te slaan en die diefwering oop te sny. “Toe die vrou wakker word, was die aanvallers klaar in die huis,” het Jacobs gesê. Die vrou se twee kinders was saam met haar in die huis.

“Die kinders is met ʼn gholfstok aangerand, maar ek verneem hulle is nie ernstig beseer nie. Die aanvallers het egter die vrou gedwing om die kluis oop te sluit. Daar was vermoedelik ʼn struweling en sy is in haar gesig geskiet.”

Jacobs het gesê die vrou is in die waakeenheid van ʼn hospitaal opgeneem. Sy sal glo binnekort geopereer word om die koeël uit haar skedel te verwyder.

Lt.kol. Moatshe Ngoepe, woordvoerder van die polisie, het die kleinhoewe-aanval bevestig en gesê die polisie sal binnekort ʼn verklaring oor die voorval uitreik.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Charmaine Coetzee

Nog n plaas asnval fit is vir my met n groot hartseer dat mense so aangeval en vermoor word die angs en sielkundige effek wat nagelaat word is so so onnodige op kinders en grootmense wat deur sulke donge moet gaan MAG GOD HULLE GENADIG wrees

dance

Mense moet n veilige area skep met n stewige veiligheidshek wat die slaap area van die res van die huis skei. Enige ongebruike kamers se deure moet gesluit wees. Sit ook daai telivisie af want daai klank van glas wat breek word in jou slaap met die gemors op die tv verwar.

Giel

Mooi man……n vrou word in Spur gedreig en die land gaan mal.
n Vrou en haar kinders word in haar huis aangerand en geskiet……kom ons kyk hoe mal gaan die een raak. Sal nooit weer n word van die een hoor.
Baie sterkte mevrou.

Jannie

Toe wys ons poelisie hoe ophef kan Jul van dit maak en vang die skelms soos Jul ons mos gou wil vang

Ada

Jy is reg Giel. Ja ‘n groot stilswye gaan volg, Ek kan nie oor die onregverdigheid van die Spur ding kom nie. Ek is so bly dat ek hulle boikot. Dit voel goed.
Ek hoop die vrou en haar kinders kom gou deir hierdie nagmerrie. Dink aan julle en julle,families. Sterkte vorentoe.