Vrou in hof nadat sy glo baba ontvoer

Argieffoto

Argieffoto

ʼn 19-jarige vrou het Woensdag vlugtig in die Rustenburg-landdroshof verskyn op aanklag dat sy ʼn baba ontvoer het.

Patience Matsaa is op borgtog van R1 000 vrygelaat en die saak is tot 21 Augustus uitgestel. Matsaa, wat in Boitekong woon, is Maandag in hegtenis geneem nadat sy glo ʼn dag oue baba by die Job Shimankane-hospitaal ontvoer het.

Die ma van die baba het glo buite die hospitaal gestaan nadat sy en haar baba ontslaan is toe die verdagte haar glo genader het. “Sy het die ma gelukgewens met haar nuwe baba en haar R23 aangebied om kos te koop. Die vrou het die baba aan die verdagte gegee en is na die hospitaalwinkel om kos te koop,” het Paul Ramaloko, woordvoerder van die polisie, vroeër gesê. “Toe sy terugkom, was die verdagte weg.”

Die polisie is dadelik in kennis gestel en die ondersoek het hulle na Sondela, naby Boitekong in Rustenburg gelei. Daar het hulle die vrou en die kind by die vrou se ouerhuis opgespoor. “Die verdagte is in hegtenis geneem en word by die Rustenburg-polisiekantoor aangehou,” het Ramaloko gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Eugenie ·

Dis net stupid om jou kind vir n vreemdeling te gee en te loop om kos te koop…

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.