ʼn Vrou (41) het Vrydag in die Atlantis-landdroshof noord van Kaapstad in die Wes-Kaap op aanklag van dwelmhandel verskyn, nadat sy in besit van byna 1 000 Mandrax-tablette in dié Kaapse voorstad betrap is.
Kapt. FC van Wyk, woordvoerder van die polisie, sê in ʼn verklaring die polisie het Woensdag inligting van gemeenskapslede ontvang oor onwettige dwelmbedrywighede by ʼn spesifieke huis in Atlantis.
Volgens Van Wyk het polisielede omstreeks 15:00 met ʼn lasbrief na die huis in Valkelaan in Robinvale gegaan waar hulle op 940 klaarverpakte Mandrax-tablette en ’n onbekende bedrag kontant afgekom het.
Die vrou is op die plek in hegtenis geneem.
“SAPD-lede sal voortgaan met hul pogings om dwelms in gemeenskappe uit te roei en om diegene wat hulle aan dwelmverwante misdade skuldig maak, in hegtenis te neem,” sê Van Wyk.
Gooi dai sleutels weg