Vrou in hof oor ontsnappingspoging

Argieffoto

Argieffoto

ʼn Vrou wat daarvan beskuldig word dat sy ʼn vuurwapen by ʼn hof ingesmokkel het om twee gevangenes te help ontsnap, het Maandag in die Mthatha-landdroshof verskyn.

Lt.kol. Mzukisi Fatyela, woordvoerder van die polisie, het gesê die saak is na die hooggeregshof in Mthatha oorgeplaas en tot 27 Februarie uitgestel.

Aviziwe Bila (27) het in September glo ʼn gelaaide vuurwapen in ʼn asblik by die hooggeregshof in Mthatha geplaas. Die twee gevangenes is doodgeskiet toe een van hulle die vuurwapen uit die asblik gehaal en in die hof losgebrand het, in ʼn poging om te ontsnap.

Beamptes van korrektiewe dienste het teruggeskiet en een van die oortreders kon daarin slaag om ʼn beampte se wapen af te neem. Een van die beamptes is in die been geskiet.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

2 Kommentare

jongste oudste gewildste
SNEL

Maroela, seker nie die plek nie, maar waar is ons Bybelstukkie vir die dag…..of kyk ek dit mis?