ʼn Vrou is ernstig beseer toe sy in haar huis in Kloof naby Durban in KwaZulu-Natal aan die brand gesteek is.
Die vrou is oor die naweek in haar huis in Old Mainweg aangetref. Paramedici het haar dadelik ondersoek en behandel,” het Russel Meiring, ʼn woordvoerder van ER24, Maandag gesê. “Die vrou het ernstige brandwonde oor 90% van haar lyf opgedoen.”
Sy is na ʼn nabygeleë hospitaal geneem vir verdere behandeling.
Kapt. Thulani Zwane, ʼn polisiewoordvoer, het die voorval bevestig. Volgens Zwane is die 32-jarige vrou vermoedelik aan die brand gesteek en in haar huis toegesluit. “Die rede vir die aanval is nog onbekend,” het Zwane gesê. “Die Pinetown-polisie ondersoek ʼn saak van poging tot moord. Niemand is nog in verband met die voorval in hegtenis geneem nie.”
Die slagoffer se naam is nog nie bekend gemaak nie. – SAPA