Vrou in motor doodgeskiet: ‘My dogter het onskuldig gesterf’

Quinton en Vanessa Dreyer. Foto: Facebook

Quinton en Vanessa Dreyer. Foto: Facebook

Niemand is nog in hegtenis geneem nadat Vanessa Dreyer (27) verlede week ten aanskoue van haar man in die oprit van ʼn huis in Edenvale doodgeskiet is nie.

Kapt. Jean Olckers, woordvoerder van die polisie, het Maandag aan Maroela Media gesê die forensiese span is tans besig met hul verslag.

Maroela Media het vroeër berig Vanessa was Woensdagaand saam met haar man, Quinton, in hul motor in die oprit van ʼn huis in The Avenues toe ʼn wit Mercedes agter hulle gestop het. ʼn Onbekende aantal verdagtes het uit die motor gespring en op die egpaar geskiet. Quinton het glo teruggeskiet en die verdagtes het gevlug.

Vanessa was egter gewond en Quinton het met haar na ʼn nabygeleë hospitaal gejaag. Sy is met haar aankoms by die hospitaal dood verklaar.

Volgens inligting van familie was die Dreyer-egpaar se twee jong kinders ook in die motor ten tyde van die voorval. Olckers wou dit egter nie bevestig nie.

Janette Grobler, Vanessa se skoonma, het Maandag aan Maroela Media gesê die familie wil nie dadelik met die media praat nie omdat hulle nie die polisieondersoek wil benadeel nie. “Al wat ek nou kan sê, is dat ek ʼn fantastiese skoondogter gehad het. Sy was net die beste ma vir haar kinders en ʼn wonderlike vrou vir my seun,” het sy gesê.

Rosemarie Boshoff, Vanessa se ma, het haar op Facebook as ʼn wonderlike kind, ma en vrou beskryf. “My dogter het onskuldig gesterf en sy het twee klein seuntjies wat oneindig lief vir haar was. My kind, ek is oneindig lief vir jou! Rus in vrede. God en engele en jou sus Chantelle sal jou mooi oppas!” het Boshoff geskryf.

Vanessa se begrafnis sal Donderdag om 09:30 vanuit die Ou Apostoliese Kerk in Krugersdorp-Wes gehou word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Irene

Al hierdie buitelanders wzt dit doen

bompie

Als so onnodig weet jy. Sterkte met die familie. Ons dink aan julle.

m

Al hierdie onnodige hartseer wat deur hierdie mense veroorsaak word. Baie sterkte aan die familie.

Sandra

Verskriklik! Watter leed moet hierdie gesin, familie en vriende nou vir altyd deurgaan? Sterkte aan almal. Mag die Here versterk en vertroos. Ons was ook so voor ons huis deur 5 gewapende rowers aangeval. “Gelukkig” net aardse goed gesteel wat hulle wou, en ons nie leed aangedoen nie. Ons moet nou seker “dankbaar” wees dat ons “gawe rowers” gehad het. Dit is om van naar te word.

Willie

So onnodig, om sinneloos n lewe te neem.. wanneer gaan die stop? Is daar iemand in die land wat die moorde kan stuit? My innige simpatie met die vriende een familie… dis harverskerend om sulke berigte te lees….