Vrou in sop oor opmerking ná Ashwin Willemse-sage

‘n Skermskoot van die inskrywing wat intussen verwyder is.

ʼn Saak van crimen injuria is by die polisie in die Wes-Kaap aanhangig gemaak nadat ʼn vrou glo rassistiese uitlatings op Facebook gemaak het te midde van die veelbesproke Ashwin Willemse-voorval.

Sers. Noloyiso Rwexana, provinsiale polisiewoordvoerder, het aan Maroela Media gesê die saak is Vrydag by die Laaiplek-polisie in Velddrif, noord van Kaapstad, aanhangig gemaak.

EWN berig die klag is deur ʼn drukgroep, Khoisan Defiance Campaign, aanhangig gemaak.

Sammy Claasen, woordvoerder van die groep, het aan EWN gesê die vrou het na bruin mense as “h*****s” asook “bobbejane” verwys.

Die vrou is glo van Queenstown en het intussen haar Facebookblad gesluit.

Rwexana het gesê die saak word ondersoek en niemand is nog in verband met die voorval in hegtenis geneem nie.

Die drukgroep het aangedui hulle wil hê die polisie moet die saak op dieselfde manier hanteer as die Vicki Momberg-voorval.

SuperSport het Vrydag aangekondig dat Willemse, Naas Botha en Nick Mallett vir eers nie meer op televisie sal wees nie, terwyl daar ondersoek ingestel word na die voorval waartydens Willemse die stel verlaat het.

Maroela Media het vroeër berig ʼn tegniese fout in SuperSport se ateljee en ʼn opmerking deur Botha het glo daartoe gelei dat Willemse tydens ʼn regstreekse uitsending uit die ateljee gestap het.

“Jy weet wat, ek speel al lank hierdie sportsoort, nes almal van ons hier. Ek, as speler, is vir ʼn lang tydperk as kwotaspeler bestempel. Ek het hard gewerk om my eie respek in dié spel te verdien, ek gaan nie verkleineer word deur twee enkelinge wat in apartheid, ʼn gesegregeerde era, gespeel het en my wil kom ondermyn nie. Ek dink ek het nou genoeg gehad, ek kan nie met mense werk wat ander ondermyn nie,” het Willemse tydens ʼn regstreekse uitsending gesê.

Daarna stap hy na Mallett en Botha en sê: “Julle kan maar daar sit en lag”, waarop Mallett antwoord: “Ek lag nie daaroor nie”.

“Julle weet presies wat gebeur het, dis reg so, ek gee nie om om verspot te wees nie. Ek is bly dit gebeur op regstreekse televisie sodat mense kan sien, julle twee sit hier – nee dis reg [sic].” En dan stap hy van die stel af.

‘n Skermskoot uit die video van die voorval toe Ashwin Willemse tydens ‘n regstreekse uitsending van die Supersport-stel af gestap het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

87 Kommentare

jongste oudste gewildste
Stefan

Mense wil ook nie leer nie.

Veritas

Ek is en was nooit ‘n Ashwin Willemse ondersteuner nie maar om sulke goed op sosiale media kwyt te raak, wys op blote onnoselheid. Jou heethoofdigheid het jou nou in groot moeilikheid tannie. Maak maar gereed vir twee jaar agter tralies.

Ettienne

Ek stem nie saam met wat hierbo op FB geplaas is nie. Ek wil net graag weet waarom daar nie so ‘n bohaai gemaak word oor al die FB inskrywings teen wit mense nie. Meeste van hulle praat geweld goed.

smurfie

Wanneer gaan mense leer? Jy kan nie sulke goed sê op die sosiale media nie! As iets jou omkrap, praat eerder met jou kat of hond daaroor. Maar hou jo emosies privaat, in jou huis, waar dit hoort

rollie

Ongelukkig is daar baie van die tannies en ooms in SA. Stel alle witmense in ‘n swak lig.